Techie IT
×
गृहपृष्ठवित्त पूँजी बजारसिटिजन्स बैंकका ग्राहकहरूलाई करियर स्टेसनमा विशेष छुट

सिटिजन्स बैंकका ग्राहकहरूलाई करियर स्टेसनमा विशेष छुट


काठमाडौं ।
सिटिजन्स बैंक इन्टरनेसनल लिमिटेड र करियर स्टेसन प्रालि, नयाँ बानेश्वर, काठमाडौँंबीच सम्झौता भएको छ । बैंकका ग्राहकहरूलाई आईएलटीएस, टोफल, स्याट, जिम्याट, जीआरई तयारी कक्षामा विशेष छुट दिनेसम्बन्धी समझदारीपत्रमा हस्ताक्षर भएको हो । यो सम्झौतापश्चात् बैंकका डेबिट, क्रेडिट र प्रिभिलेज कार्डवाहक ग्राहक र उनीहरूका परिवारका सदस्यहरूले करियर स्टेसनमा सेवा लिँदा विशेष छुट पाउनेछन् । यस किसिमको सहकार्यबाट बैंकका ग्राहकहरू लाभान्वित हुने विश्वास बैंकले लिएको छ ।

बैंकले देशैभरि फैलिएका आफ्ना एक सय ११ वटा शाखा, ९९ वटा एटीएम र एक सय चारवटा शाखारहित बैंकिङ एकाइहरूबाट करिब साढे सात लाख ग्राहकवर्गलाई आधुनिक बैंकिङ सेवाहरू प्रदान गर्दै आएको छ । कोरोना भाइरस (कोभिड १९) को महामारीबाट सम्पूर्ण विश्व नै आक्रान्त बनेको अवस्थामा बैंकले नवीनतम प्रविधिको अधिकतम प्रयोग गर्दै सावधानीपूर्वक आफ्ना ग्राहकहरूको वित्तीय आवश्यकताहरू डिजिटली प्रदान गरिरहेको छ ।

यसलाई मूर्तरूप प्रदान गर्न बैंकले चेकको प्रयोग नगरी आफ्नो मोबाइल बैंकिङ एपमा लगइन गरेर काउन्टरमा भएको क्यूआर कोड स्क्यान गरी खाताबाट रकम झिक्न स्क्यान एण्ड विथ ड्र सेवा, मोबाइल बैंकिङको पिन नं बिर्सेमा बैंकको शाखामा गएर निवेदन दिने झन्झटबाट मुक्त हुन घरबाटै पिन रिसेट गर्न सकिनेजस्ता सेवाहरूको थालनी गरेको छ ।

साथै कोभिड १९ को त्रास अझै पनि कायम रहेको अवस्थालाई मध्यनजर गर्दै ग्राहकहरूलाई सकेसम्म बैंकमा नआइक नै बैंकिङ सुविधा प्राप्त गर्न सहज होस् भनी यस बैंकले विभिन्न योजनाहरू सञ्चालनमा ल्याएको छ । यसप्रकारको सेवाबाट बैंकका ग्राहकहरूले सहजरूपमा सेवा प्राप्त गरी लाभान्वित हुने, डिजिटल बैंकिङ सभ्यताको विकास भई कोभिड रोग नियन्त्रणमा सहयोग पुग्ने विश्वास बैंकले लिएको छ ।



तपाईको प्रतिक्रिया