Techie IT
×
गृहपृष्ठवित्त पूँजी बजारवायरबार्लेमार्फत ई–सेवा मनि ट्रान्सफरको रेमिट्यान्स सेवा थप छवटा देशबाट सुरु

वायरबार्लेमार्फत ई–सेवा मनि ट्रान्सफरको रेमिट्यान्स सेवा थप छवटा देशबाट सुरु


काठमाडौं ।
ई–सेवा मनी ट्रान्सफर र वायरबार्लेबीच रेमिट्यान्स भुक्तानी सम्झौता भएको छ । यो सम्झौतासँगै अमेरिका, क्यानाडा, अस्ट्रेलिया, न्यूजिल्यान्ड, दक्षिण कोरिया र हङकङमा रहेका नेपालीले वायरबार्लेबाट नगदमा तथा कुनै पनि बैंक खातामा र ई–सेवा वालेटमा सहजै रकम पठाउन सकिने भएको छ । नगदमा पठाइएको रकम ई–सेवा मनि ट्रान्सफरका नेपाल भर रहेका आठ हजारभन्दा धेरै एजेन्टमार्फत रकम प्राप्त गर्न सकिनेछ । यस्तै रकम सिधै ई–सेवा वालेटमा प्राप्त गर्न सकिन्छ भने बैंक खातामा पठाएइको रकम तत्कालै सेवाग्राहीको बैंक खातामा जम्मा हुनेछ ।

वायरबार्ले एउटा फिनटेक स्टार्ट अप कम्पनी हो, जसले एसिया प्रशांत क्षेत्रमा मोबाइल/अनलाइन रेमिट्यान्स सेवा प्रदान गर्दछ । वायरबार्ले अस्ट्रेलियाको पहिलो र अग्रणी कम्पनी हो र यसको सेवा अस्ट्रेलिया, दक्षिण कोरिया, अमेरिका, क्यानाडा, न्यूजिल्यान्ड र हङकङमा रहेको छ । यस कम्पनीले छिट्टै नै जापान, फिलिपिन्सलगायतका मुलुकमा सेवा विस्तार गर्दै छ ।

ई–सेवा मनी ट्रान्सफरले डिजिटल रेमिट्यान्सका साथै एजेन्ट बेस रेमिट्यान्स सेवामार्फत नेपालमा सेवा प्रदान गर्दै आइरहेको छ । हालको विषम परिस्थितिलाई मध्यनजर गर्दै डिजिटल माध्यमबाट रेमिट्यान्स् पठाउदा सुरक्षित, आर्थिक फाइदा र प्राविधिक ज्ञानको अवसर प्राप्त गर्नुका साथै समयको बचत गर्न सहयोग मिलेको छ । ई–सेवा मनि ट्रान्सफरलाई विप्रेषणको विश्व बजारमा छुट्टै नाम, सेवा र प्रविधिको पूर्ण कम्पनीको रूपमा स्थापना गर्नु आफूहरूको उद्देश्य रहेको ई–सेवा मनी ट्रान्सफरका प्रबन्ध निर्देशक अजेश कोइरालाले बताए ।



तपाईको प्रतिक्रिया