राष्ट्र बैंकद्वारा २१ अर्ब तीन करोड रुपैयाँको ट्रेजरी बिक्री

काठमाडौं ।
नेपाल राष्ट्र बैंकले २१ अर्ब तीन करोड रुपैयाँबराबरको ट्रेजरी बिल बिक्री गरेको छ । राष्ट्र बैंकका अनुसार सोमबार अपराह्न दुुई बजेसम्म उक्त परिमाणमा ट्रेजरी बिल बिक्री गरिएको हो । यसअघि यही मंसिर ३० गते पनि छ अर्ब रुपैयाँबराबरको ट्रेजरी बिल बिक्री गरेको थियो । जारी मिति पुस ७ गते तोकिएको उक्त ट्रेजरीमध्ये ९१ दिने अवधिको १४ अर्ब तीन करोड, एक सय ८२ दिने अवधिको पाँच अर्ब र तीन सय ६४ दिने अवधिको दुई अर्ब रुपैयाँको रहेको छ ।

सोमध्ये ९१ दिने ट्रेजरीको परिपक्व हुने अवधि २०७७ चैत १० गते, एक सय ८२ दिने ट्रेजरीको परिपक्व हुने अवधि विसं २०७८ असार ८ गते र तीन सय ६४ दिने ट्रेजरीको परिपक्व हुने अवधि २०७८ पुुस ६ गते तोकिएको राष्ट्र बैंकले जानकारी दिएको छ । यसअघि यही मंसिर ३० गते पनि राष्ट्र बैंकले ९१ दिने अवधिको चार अर्ब र तीन सय ६४ दिने अवधिको दुुई अर्ब रुपैयाँको ट्रेजरी बिल बिक्रीगरेको थियो । राष्ट्र बैंकका अनुसार यी दुवै ट्रेजरीहरू पुरानो नवीकरणअन्तर्गतको रहेको छ ।