Techie IT
×
गृहपृष्ठवित्त पूँजी बजारलक्ष्मी बैंकको ‘माइ मोबाइल मनी’ भिडियो प्रतियोगिता, डिजिटल बैंकिङलाई प्रोत्साहन

लक्ष्मी बैंकको ‘माइ मोबाइल मनी’ भिडियो प्रतियोगिता, डिजिटल बैंकिङलाई प्रोत्साहन


काठमाडौं ।
लक्ष्मी बैंकले डिजिटल डिसेम्बर अभियानअन्तर्गत डिजिटल बैंकिङका विशेषता र लाभहरूको बारेमा जनचेतना जगाउने उद्देश्यले माइ मोबाइल मनी भिडियो प्रतियोगिताको घोषणा गरेको छ । बैंकका अनुसार यो प्रतियोगिताअन्तर्गत सहभागीहरूले बैंकको मोबाइल बैंकिङ सेवासम्बन्धी सृजनात्मक भिडियो तयार गरी पठाउनुु पर्नेछ । यसरी प्राप्त भिडियोहरूको भावनात्मक पक्ष, सृजनात्मकता, कथावस्तुको गुणवत्ता अनि सान्दर्भिकताको आधारमा विजेता घोषणा गरी विजयी सहभागीलाई ५० हजार रुपैयाँसम्मको नगद पुरस्कार प्रदान गरिनेछ ।

यस एक महिने अभियान डिजिटल डिसेम्बरको माध्यमबाट लक्ष्मी बैंकले नेपाली जनतामा इन्टरनेट बैंकिङ, मोबाइल बैंकिङ, भाइबर बैंकिङजस्ता डिजिटल विकल्पहरूलाई अपनाउने रुचिको अभिवृद्धि गर्ने व्यापक प्रयास गरेको छ । बैंकको मोबाइल मनी एप गुुगल प्लेस्टोर र एपल स्टोरमा उपलब्ध हुुनेछ । माइ मोबाइल मनी क्राउड सोर्सिङमा आधारित दास्रो प्रतियोगिता हो ।

यसअघि बैंकले सञ्चालन गरेको डेबिट कार्ड र डिजाइनिङ प्रतियोगितामा उत्साहजनक सफलता प्राप्त भएको थियो । बैंकले प्राप्त सुझावहरूलाई समेटेर डेबिट कार्डको डिजाइन समावेश गरेको छ । ग्राहकहरूलाई आफ्नो रचनात्मक प्रतिभालाई क्रियाशील बनाई बैंकको विविध अभियानहरूमा संलग्न हुने अवसर प्रदान गर्न यस्ता अभियानहरू निरन्तर सञ्चालन गर्ने बैंकको उद्देश्य लिएको छ ।



तपाईको प्रतिक्रिया