ई–सेवा मनी ट्रान्सफर र अलफर्दान एक्सचेन्जबीच सम्झौता
काठमाडौं ।
ई–सेवा मनी ट्रान्सफर र यूएईको ख्यातिप्राप्त रेमिट्यान्स सेवा प्रदायक कम्पनी अलफर्दान एक्सचेन्जबीच सम्झौता भएको छ । दुवै कम्पनीका प्रतिनिधिहरूले रेमिट्यान्स कारोबारमा सहकार्य गर्ने विषयमा सम्झौता गरेका हुुन् । यो सेवा सुरु भएसँगै यूएईमा रहेका नेपालीहरूले ‘अलफर्दान एक्सचेन्ज’ का ६५ वटा शाखाहरूबाट नगदमा तथा कुनै पनि बैंक खातामा र ई–सेवा वालेटमा रकम पठाउन सकिनेछ । नगदमा पठाइएको रकम ई–सेवा मनी ट्रान्सफरका नेपाल भर रहेका आठ हजारभन्दा धेरै एजेन्ट तथा ई–सेवा वालेट एपमार्फत पनि प्राप्त गर्न सकिनेछ ।
त्यसैगरी बैंक खातामा पठाएइको रकम तुरुन्तै सेवाग्राहीको बैंक खातामा जम्मा हुनेछ । रेमिट्यान्स भुक्तानीसम्बन्धी सम्झौतापत्रमा ई–सेवा मनी ट्रान्सफरका तर्फबाट प्रबन्ध निर्देशक अजेश कोइराला र अलफर्दान एक्सचेन्ज रेमिटेन्सको तर्फबाट पूर्वप्रमुख कार्यकारी अधिकृत ओसामा अल राहमाले हस्ताक्षर गरेका हुुन् ।
ई–सेवा मनी ट्रान्सफरले डिजिटल र एजेन्ट बेस रेमिट्यान्स सेवामार्फत विभिन्न मुलुकबाट रेमिट्यान्स भित्र्याउँदै आएको छ । ई–सेवा मनी ट्रान्सफरलाई विप्रेषणको विश्व बजारमा छुट्टै नाम, सेवा र प्रविधिको पूर्ण कम्पनीको रूपमा स्थापना गर्ने उद्देश्य रहेको ई–सेवा मनी ट्रान्सफरका प्रबन्ध निर्देशक अजेश कोइरालाले बताए ।
क्याटेगोरी : बैंक बित्त बजार
ताजा अपडेट
- न्युयोर्कमा ११४औँ अन्तर्राष्ट्रिय महिला श्रमिक दिवस
- ललितपुर महानगरका नगरप्रमुखद्वारा जिपि फाउन्डेशन अमेरीकाको कार्यालयमा विशेष भेटघाट एवं समसामयिक छलफल
- राष्ट्रपतिद्वारा विधेयक प्रमाणीकरण
- टी–२० शृङ्खलाः नेपाल ‘ए’ टोली आयरल्याण्डको ‘ए’ टोलीसँग पराजित
- न्युयोर्कमा ११४औँ अन्तर्राष्ट्रिय महिला श्रमिक दिवस
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया