सिद्धार्थ बैंकको सप्ताहव्यापी रक्तदान

काठमाडौं, पुस १८
सिद्धार्थ बैंकले आफ्नो १७औं वार्षिकोत्सवको उपलक्ष्यमा सप्ताहव्यापी रक्तदान कार्यक्रम सम्पन्न गरेको छ । बैंकले यही पुुस ११ देखि पुस १६ गतेसम्म देशका विभिन्न १० स्थानहरूस विराटनगर, दमक, भरतपुर, जनकपुर, हेटौंडा, काठमाडौँं, पोखरा, बुटवल, नेपालगञ्ज र धनगढीमा सप्ताहव्यापी रक्तदान कार्यक्रम सम्पन्न गरेको हो । बैंकका उच्च व्यवस्थापन तहका कर्मचारीलगायत अधिकांश कर्मचारी, ग्राहकवर्ग तथा सर्वसाधारणको उल्लेखनीय सहभागिता रहेको उक्त रक्तदान कार्यक्रममा चार सय ९८ जना रक्तदाताहरूले रक्तदान गरेका थिए ।

यस कार्यक्रमबाट देशमा विद्यमान रक्त अभावलाई केही हदसम्म भए पनि सहज हुने विश्वास बैंकले लिएको छ । सबै क्षेत्र र वर्गसम्म बैंकिङ सेवाको पहुँच पु-याउने उद्देश्यले बैंकले हाल देशभर एक सय ७८ वटा शाखा (चारवटा एक्सटेन्सन काउन्टरसहित), एक सय एकवटा शाखारहित बैंकिङ सेवा, एक सय ९७ एटीएम र १६ सयभन्दा बढी पस मेसिनमार्फत उच्चस्तरीय बैकिङ सेवा प्रदान गर्दै आएको छ ।