Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारघरेलु लघुवित्तको वार्षिक साधारणसभा

घरेलु लघुवित्तको वार्षिक साधारणसभा


काडमाडौं, पुस २०
घरेलु लघुवित्त वित्तीय संस्थाले प्रथम वार्षिक साधारणसभा सम्पन्न गरेको छ । काभ्रेपलाञ्चोक जिल्लाको बनेपामा केन्द्रीय कार्यालय रहेको संस्थाले अध्यक्ष आङ देण्डी शेर्पाको सभापतित्वमा यहि पौष ११ गते काभ्रेको वनेपा स्थित पन्चकन्या व्याङक्वेटमा वार्षिक साधारणसभा सम्पन्न गरेको हो ।

सभाले सञ्चालक समितिको वार्षिक प्रतिवेदन, लेखापरीक्षकको आ.व. २०७५/०७६ को लेखापरीक्षण प्रतिवेदन सहित २०७६ आषाढ मसान्तसम्मको वासलात तथा नाफा/नोक्सान हिसाब, नगद प्रवाह विवरण लगायतका वित्तीय विवरणहरु माथी छलफल, आ.व.२०७६/७७को लागि बाह्य लेखापरीक्षकको नियुक्ति तथा संस्थाले अन्य ईजाजतपत्र प्राप्त घ बर्गका कुनै वित्तीय संस्था प्राप्ती गर्ने वा प्राप्ती हुन जाने र कुनै बित्तिय संस्थाएक आपसमा गाभ्न/गाभिन उपयुक्तदेखिएमा सो सम्बन्धी आवश्यक सम्पूर्ण कार्य अगाडि बढाउन सञ्चालक समितिवा समितिले तोकेको व्यक्तिलाई अधिकार प्रत्यायोजन गर्ने प्रस्ताव पारित गरेको छ ।

साथै संस्थाको प्रथम वार्षिक साधारणसभाले छ सदस्यीय सञ्चालक समिति निर्विरोध निर्वाचित गरेको निर्वाचन अधिकृत लक्ष्मी पोख्रेलले जानकारी दिइन् । संस्थाले संस्था स्थापनाको छोटो समयमा नै ११ जिल्लाहरुमा १३ शाखा कार्यालयहरु स्थापना गरी विगत १० महिनादेखि लघुवित्त सेवा प्रदान गर्दै आईरहेको छ । संस्थाले २०७६ मंसिर मसान्तसम्ममा लगभग चार हजार छ सय घरपरिवारहरुमा सेवा विस्तार गर्दे २१ करोडभन्दा बढी लगानी गरेको संस्थाका प्रमुख कार्यकारी अधिकृत बद्री प्रसाद अधिकारीले जानकारी दिए ।


क्याटेगोरी : बैंक बित्त बजार

तपाईको प्रतिक्रिया

guest
0 Comments
Inline Feedbacks
View all comments

0
Would love your thoughts, please comment.x
()
x