Techie IT
×
गृहपृष्ठवित्त पूँजी बजारमहालक्ष्मी विकास बैंकद्वारा माउन्ट केटु आरोहण समूह सदस्यहरू सम्मानित

महालक्ष्मी विकास बैंकद्वारा माउन्ट केटु आरोहण समूह सदस्यहरू सम्मानित


काठमाडौं ।
महालक्ष्मी विकास बैंक लिमिटेडले पाकिस्तानमा अवस्थित ‘ज्यानमारा हिमाल’ भनेर चिनिने विश्वको दोस्रो अग्लो हिमाल केटु (८,६११ मिटर)को हिँउदयाम (२०७७ माघ ३ गते शनिबार)मा सफलतापूर्वक आरोहण गरी विश्व कीर्तिमान बनाउन सफल माउन्ट केटु आरोहण समूहलाई स्वागत तथा अभिनन्दन कार्यक्रम सम्पन्न गरेको छ ।

शुक्रबार बैंकको प्रधान कार्यलयमा आयोजित अभिनन्दन कार्यक्रममा हिमाल केटुको चुचुरोमा नेपालको झण्डा फर्फराएर नेपालको नाम विश्वसामु परिचित गराउन आरोही समूहले पु-याएको योगदानको कदरस्वरूप बैंकका सञ्चालक समितिका अध्यक्ष राजेश उपाध्यायले माउन्ट केटू आरोहण समूहलाई पाँच लाख रुपैयाँ नगद पुरस्कार तथा सम्मानपत्र प्रदान गरेका छन् ।

कार्यक्रममा आरोही निर्मल पुर्जाले बैंकले प्रदान गरेको यस सम्मानले साहासिक कार्यको लागि थप हौसला मिलेको बताए । उक्त कार्यक्रममा माउन्ट केटु आरोहण समूहका सदस्यहरू, बैंकका सञ्चालक समितिका अध्यक्ष तथा सदस्यहरू र कर्मचारीहरूको उपस्थिति रहेको बैंकले जानकारी दिएको छ ।


क्याटेगोरी : वित्त पूँजी बजार

तपाईको प्रतिक्रिया