एनएमबी बैंक र नेपाल पुस्तक तथा स्टेसनरी व्यवसायीबीच सम्झौता

काठमाडौं ।
एनएमबी बैंक लिमिटेड र नेपाल पुस्तक तथा स्टेसनरी व्यवसायी महासंघबीच सम्झौता भएको छ । बैंकले संघका सदस्यहरूको क्षमता अभिवृद्धि, वित्तीय परामर्श, संघका सदस्यहरूलाई सहजपूर्ण कर्जा उपलब्ध तथा खाता सञ्चालनसहितका विविध क्षेत्रका गतिविधिहरूमा साझेदारी स्थापना गर्नेगरी द्विपक्षीय समझदारीपत्रमा हस्ताक्षर गरेको हो ।

सम्झौतामा बैंकका तर्फबाट लघु, साना तथा मझौला कर्जा र लघुवित्त प्रमुख, बुद्धिकुमार मल्ल र नेपाल पुस्तक तथा स्टेसनरी व्यवसायी महासंघका तर्फबाट केन्द्रीय उपाध्यक्ष, कृष्णचन्द्र पौडेलले हस्ताक्षर गरेका छन् ।

एनएमबी बैंक समृद्ध नेपाल निर्माणमा सहभागी हुने लक्ष्यसहित देशको दिगो विकासमा टेवा पु¥याउने क्षेत्रहरूजस्तै साना तथा मझौला उद्योग, कृषि, जलस्रोतलगायत उद्यमशीलता प्रवर्द्धनमा महत्वपूर्ण भूमिका खेल्दै आइरहेको छ । बैंकले हाल देशभरि एक सय ८० शाखा, एक सय ३५ एटीएमहरू, नौ एक्सटेन्सन काउन्टरहरूमार्फत उच्चस्तरीय सेवा प्रदान गर्दै आइरहेका छ ।