बैंक अफ काठमाण्डूको अगुवाइमा अप्पर खुदी जलविद्युत् आयोजनामा कर्जा

काठमाडौं ।
बैंक अफ काठमाण्डू लिमिटेड र सुपर खुदी जलविद्युत प्रालिबीच अप्पर खुदी जलविद्युत् आयोजनामा सहवित्तीयकरण कर्जा प्रवाह गर्ने सम्बन्धी सम्झौतामा हस्ताक्षर भएको छ । बैंकले बुुधबार उक्त सम्झौतामा हस्ताक्षर गरेको हो । २१ दशमलव २१ मेगावाट क्षमता रहेको अप्पर खुदी जलविद्युत् आयोजनाको अनुमानित लागत चार अर्ब १९ करोड रहेको छ । सुपर खुदी जलविद्युत्ले लमजुङ जिल्लाको मस्र्याङ्दी गाउँपालिकामा उक्त जलविद्युत् आयोजनाको निर्माणकार्य गरिरहेको छ ।

बैंक अफ काठमाण्डूको अगुवाइमा रहेकोे उक्त सहवित्तीयकरणको सदस्य बैंकहरूमा ग्लोबल आईएमईबैंक लिमिटेड, सिभिल बैंक लिमिटेड, मेगा बैंक नेपाल लिमिटेड तथा नेपाल क्रेडिट एन्ड कमर्स बैंक लिमिटेड रहेका छन् । हालसम्म बैंक अफ काठमाण्डू लिमिटेडले ९० शाखा कार्यालयहरू, ७८ एटीएम र १० एक्स्टेन्सन काउन्टरहरूबाट आफ्ना ग्राहक महानुभावहरूलाई उत्कृष्ट बैंकिङ सुविधा प्रदान गर्दै आइरहेको छ । साथै ऊर्जा क्षेत्रमा बैंक अफ काठमाण्डू लिमिटेडको सम्लग्नता हालसम्म ३४ वटा परियोजनामा रहेको छ ।