सातामा ३८ अर्ब ६० करोड २५ लाखको सेयर खरिदबिक्री
बजार परिसूचक २५ सय ५४ दशमलव १३ बिन्दुमा
काठमाडौं ।
यस साता सेयर बजार परिसूचक २५ सय ५४ दशमलव १३ अंकमा पुगेर रोकिएको छ । यसैगरी ‘क’ वर्गका कम्पनीहरूको कारोबार मापन गर्ने सेन्सिटिभ इन्डेक्स पनि चार सय ६१ दशमलव ८१ अंकमा पुगेर रोकिएको छ । यस साता धितोपत्र बजारमा दुई सय सातवटा कम्पनीहरूको कारोबार भएका छन् । जसअनुसार चार लाख १८ हजार छ सय ५५ पटकको कारोबारमा नौ करोड ६२ लाख १७ हजार ७३ कित्ता सेयर खरिदबिक्री हुुँदा कारोबार रकम ३८ अर्ब ६० करोड २५ लाख १४ हजार नौ सय १७ रूपैयाँ पुगेको छ । यो कारोबार रकम गत साताको तुलनामा कम हो ।
गत साता भने धितोपत्र बजारमा दुई सय आठवटा कम्पनीहरूको कारोबार भएका थिए । जसअनुसार तीन लाख ६९ हजार नौ सय ५३ पटकको कारोबारमा नौ करोड २३ लाख ६६ हजार तीन सय ५३ कित्ता सेयर खरिदबिक्री हुुँदा कारोबार रकम ४४ अर्ब १४ करोड ४९ लाख ७१ हजार एक सय ८४ रूपैयाँ पुगेको थियो । यस साता नेप्सेको नियमित कारोबार कक्ष पाँच कार्य दिन नै खुला रहेकोमा पहिलो दिन र चौथो दिन बजार परिसूचक उकालो लागेको थियो भने दोस्रो, तेस्रो, र पाँचौँ दिन बजार परिसूचक ओरालो लागेका थिए ।
जसअनुसार पहिलो दिन बजार परिसूचक तीन दशमलव ६६ अंकले उकालो लागेर २६ सय ४० दशमलव ३४ बिन्दुुमा चढ्दा सेन्सिटिभ इन्डेक्स भने दुई दशमलव दुई अंकले ओरालो लागेर चार सय ७९ दशमलव ५८ बिन्दुमा झरेको थियो । दोस्रो दिन भने बजार परिसूचक ३२ दशमलव ६७ अंकले ओरालो लागेर दुई हजार छ सय सात दशमलव ६७ बिन्दुमा झरेकोमा सेन्सिटिभ इन्डेक्स पनि नौ दशमलव २२ अंकले ओरालो लागेर चार सय ७० दशमलव ३६ बिन्दुमा झरेको थियो । तेस्रो दिन पनि बजार परिसूचक २१ दशमलव १६ अंकले ओरालो लागेर दुई हजार पाँच सय ८६ दशमलव ५१ बिन्दुमा झरेकोमा सेन्सिटिभ इन्डेक्स पनि दुई दशमलव ४१ अंकले ओरालो लागेर चार सय ६७ दशमलव ९४ बिन्दुमा झरेको थियो ।
चौथो दिन भने बजार परिसूचक १२ दशमलव ५६ अंकले उकालो लागेर दुई हजार पाँच सय ९९ दशमलव सात बिन्दुुमा चढेकोमा सेन्सिटिभ इन्डेक्स पनि दुई दशमलव चार अंकले उकालो लागेर चार सय ७० दशमलव ३४ बिन्दुुमा चढेको थियो । अन्तिम कारोबार दिन भने बजार परिसूचक ४४ दशमलव ९४ अंकले ओरालो लागेर २५ सय ५४ दशमलव १३ बिन्दुमा झरेकोमा सेन्सिटिभ इन्डेक्स पनि आठ दशमलव ५३ अंकले ओरालो लागेर चार सय ५१ दशमलव ८१ बिन्दुमा झरेको थियो ।
यस साता बढी रकम कारोबार गर्ने कम्पनीहरूको सूचीमा नेपाल इन्फ्रास्ट्रक्चर बैंक, नेपाल बैंक, एनआईसी एसिया बैंक आदि परेका छन् । सेयर कारोबार भएको संख्याको आधारमा पनि यस साता नेपाल इन्फ्रास्ट्रक्चर बैंक, नेपाल बैंक र नेसनल हाइड्रोपावर कम्पनी अगाडि परेका छन् ।
बजार पुँजीकरणको आधारमा भने यस साता पनि नेपाल टेलिकम, नबिल बैंक, नेपाल लाइफ इन्स्योरेन्स कम्पनी, नेपाल इन्भेष्टमेन्ट बैंकलगायतका कम्पनीहरू अगाडि परेका छन् । यस साता प्राइम लाइफ इन्स्योरेन्स, एभरेष्ट बैंक, स्पर्श लघुवित्त संस्था, आईसीएफसी फाइनान्ससहितका १५ वटा कम्पनीहरूको बोनस, साधारण तथा हकप्रद सेयर नियमित कारोबारका नेप्सेमा सूचीकृत भएका छन् ।
क्याटेगोरी : बैंक बित्त बजार
ताजा अपडेट
- निर्माण व्यवसायीले सम्झौताबमोजिम काम नगर्दा योजनाका काम समयमै सम्पन्न भएन : प्रधानमन्त्री
- जलस्रोतमा सबैभन्दा बढी जलवायु परिवर्तनको असर परेको छ : मन्त्री बस्नेत
- सभामुखद्वारा सञ्चारकर्मीहरूलाई शुभकामना व्यक्त
- आइतबारदेखि मात्र मौसममा सुधार हुने
- चीनको ‘जिडिआइ’ बाट नेपालले पनि लाभ लिनसक्छ: उपाध्यक्ष पौडेल
- महिला सशक्तीकरणका लागि सबैको हातेमालो आवश्यक छ : प्रधानमन्त्री
- सभामुख नेतृत्वको दस सदस्यीय प्रतिनिधिमण्डल स्वदेश फिर्ता
- नोबेल पुरस्कार विजेता अर्थशास्त्री डानियलको निधन
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया