प्रोग्रेसिभ फाइनान्सको छ महिनाको नाफा दुई करोड ८२ लाख

काठमाडौँ ।
प्रोग्रेसिभ फाइनान्सले चालू आर्थिक बर्षको दोस्रो त्रैमासिक अवधिमा दुई करोड ८२ लाख दुई हजारछ सय ७६ रुपैयाँ खुद मुनाफा आर्जन गरेको छ । गत आवको सोही अवधिमा फाइनान्सको यस्तो नाफा दुई करोड नौ लाख ९७ हजार दुई सय ९२ रुपैयाँले ऋणात्मक रहेको थियो ।

हाल चुक्ता पुँजी ८० करोड एक लाख रुपैयाँ रहेको फाइनान्सले चालू आर्थिक वर्षको दोस्रो त्रैमासिक अवधिमा दुई अर्ब १८ करोड ३७ लाख ७५ हजार तीन सय ५८ रुपैैयाँ निक्षेप संकलन गरी एक अर्ब ६८ करोड ३८ लाख ६६ हजार पाँच सय ५३ रुपैयाँ कर्जा प्रवाह गरेको छ । सो अवधिमा तीन करोड ६२ लाख ४५ हजार नौ सय ७९ रुपैयाँ खुद ब्याज आम्दानी गरेको फाइनान्समा चार दशमलव चार प्रतिशत कर्जा निष्क्रिय रहेको छ ।

यस अवधिमा चार दशमलव ७० प्रतिशत स्प्रेड दर रहेको फाइनान्सको वितरणयोग्य नाफा भने तीन करोड ३८ लाख ७० हजार नौ सय १७ रुपैयाँ रहेको छ । गत आवको सोही अवधिमा भने फाइनान्सले एक अर्ब ७४ करोड ४३ लाख ९९ हजार आठ सय ५७ रुपैयाँ निक्षेप संकलन गरी एक अर्ब २१ करोड १० लाख ५० हजार तीन सय ६९ रुपैयाँ कर्जा प्रवाह गरेको थियो ।

उक्त अवधिमा चार करोड १९ लाख सात हजार दुई सय ९८ रुपैैयाँ खुद ब्याज आम्दानी गरेको फाइनान्समा तीन दशमलव ४४ प्रतिशत कर्जा निष्क्रिय रहेको थियो भने स्प्रेड दर चार दशमलव ८९ प्रतिशत रहेको थियो ।