सनराइज ब्लुचिप फन्डको दुई दिनमै आधाभन्दा बढी इकाइ बिक्री

काठमाडौं ।
सनराइज ब्लुचिप फन्डको दुई दिनमै आधाभन्दा बढी इकाइ बिक्री भएको छ । सनराइज क्यापिटलले बिक्रीमा ल्याएको फन्डको दोस्रो दिनसम्म इकाइ खरिदको लागि कुल इकाइको ५० दशमलव छ प्रतिशत इकाइ बिक्री भएको हो ।

क्यापिटलका अनुसार सोमबार साँझसम्ममा २२ हजार जना आवेदकहरूबाट कुल इकाइको ५० दशमलव छ प्रतिशत इकाइ बिक्री भइसकेको बिक्री प्रबन्धक सनराइज क्यापिटलले जनाएको छ । क्यापिटलले चैत्र १ गतेदेखि प्रतिइकाइ १० रुपैयाँ अंकित दरमा एक अर्ब रुपैयाँबराबरको १० करोड इकाइ बिक्रीमा ल्याएको हो । फन्डले १५ प्रतिशत इकाइ कोष प्रवद्र्धक सनराइज बैंकलाई सुरक्षित गरी बाँकी रहेको इकाइ सर्वसाधारणहरूलाई बिक्री गर्न लागेको हो । उक्त फन्डमा न्यूनतम एक सयदेखि एक करोड इकाइसम्म आवेदन दिन पाउने व्यवस्था रहेको छ ।

इकाइ खरिदका लागि आवेदन दिन छिटोमा यही चैत चार गते अर्थात् अब दुई दिन बाँकी रहेको क्यापिटलले जनाएको छ । यस योजनाको प्रक्षेपित वार्षिक प्रतिफल २२ दशमलव ३८ प्रतिश तप्रक्षेपण समेत गरेकोले ढुक्क भएर लगानी गर्न सकिने क्यापिटलले जनाएको छ ।