नबिल बैंकले ल्यायो अन्तर्राष्ट्रिय भुक्तानी गर्न मिल्ने ‘नबिल आई कार्ड’

आर्थिक दैनिक २०७७, चैत्र १२ १३:१०

काठमाडौं ।
नबिल बैंकले अन्तर्राष्ट्रिय भुक्तानी गर्न मिल्ने ‘नबिल आई कार्ड सेवा सुरु गरेको छ । अन्तर्राष्ट्रिय प्रिपेड कार्डसम्बन्धी नेपाल राष्ट्र बैंकले ल्याएको परिपत्रलाई मध्यनजर राख्दै नबिल बैंकले यूएस डलर नबिल आई कार्ड ल्याएको हो । बैंकका अनुसार यसबाट बैंकमा खाता भएका ग्राहकहरूले उक्त कार्डमार्फत वार्षिक अधिकतम अमेरिकी डलर पाँच सयबराबरको इ–कमर्स साइट्समार्फत अनलाइन सपिङ गरी विश्वभर (भारतबाहेक) भुक्तानी गर्न सक्नेछन् । सो कार्ड लिनको लागि ग्राहकहरूको खातासँगै प्यान कार्ड पनि अनिवार्य हुनेछ ।

ग्राहकले एकै पटक वा पटक–पटक गरी एक वर्षमा अमेरिकी डलर पाँच सयबराबरको परिवत्र्य विदेशी मुद्राको सटही गर्न सक्नेछन् । सन् १९८४ देखि आफ्ना ग्राहकहरूलाई समायनुकूल सेवा प्रदान गर्दै आएको नबिल बैंकको हाल एक सय १९ शाखा, एक सय ८५ एटीएम, १५ सयभन्दा बढी नबिल रेमिट एजेन्ट रहेको नबिल बैंकले नेपाली बैंकिङ क्षेत्रमा नवीनतम सेवाको सुरुवात गर्न अग्रणी भूमिका खेल्नुका साथै नेपालको बैंकिङ विकासको इतिहासमा कोसेढुङ्गाको रूपमा काम गर्दै आएको छ ।

क्याटेगोरी : वित्त पूँजी बजार