Techie IT
×
गृहपृष्ठवित्त पूँजी बजारनबिल बैंकको ‘हिरोज अफ नेपाल’ बाट सेफ सन्तोष शाह सम्मानित

नबिल बैंकको ‘हिरोज अफ नेपाल’ बाट सेफ सन्तोष शाह सम्मानित


काठमाडौं ।
नबिल बैंकको ‘हिरोज अफ नेपाल’ बाट सेफ सन्तोष शाह सम्मानित भएका छन् । राष्ट्रिय तथा अन्तर्राष्ट्रिय जगतमा नेपाललाई चिनाएर नेपालको शिर उच्च राख्न सफल नेपालीहरूलाई सम्मान गर्ने मञ्चको रूपमा बैंकले हिरोज अफ नेपालको आयोजना गर्न थालेको र हिरोज अफ नेपालको दोस्रो संस्करणमा नेपाललाई अन्तर्राष्ट्रिय मञ्चमा चिनाएर लाखौँको माया पाउन सफल सेफ शाहलाई सम्मान गरिएको बैंकले जानकारी दिएको छ ।

सेफ शाहले यूकेको मास्टर सेफ कार्यक्रममा नेपालको प्रतिनिधित्व गर्दै नेपाली परिकारहरूलाई विश्वसामु चिनाउनुका साथै नेपालीको शिष्टाचार र मैत्रीपूर्ण भावलाई पनि प्रदर्शन गरेर हरेक नेपालीलाई गौरवान्वित बनाएका छन् । सेफ सन्तोष शाह, अनिल केशरी शाह र सुश्री अनुष्का श्रेष्ठबीच भएको प्यानल छलफलको क्रममा, सेफ सन्तोष शाहले उनको प्रेरणादायक उपलब्धिहरूको बारेमा बोल्नुका साथै उनको जीवनका यात्राका चुनौतीहरू पनि वर्णन गरे । यो कार्यक्रमबाट हामी प्रेरणादायक क्षेत्रको भित्री तहसम्म पुग्न सफल भएका छौं । उक्त कार्यक्रममा बैंकको उच्च व्यवस्थापन तहका अधिकारीहरूको समेत उपस्थिति थियो ।

बैंकले सेफ शाहलाई उनको उत्कृष्ट अनुगमनलाई जारी राख्न प्रोत्साहनको रूपमा प्रेरणादायक उपलब्धिका लागि सम्मान ग-यो । जसको अनुसरण गर्दै, नबिल बैंकले सेफ शाहको गृहनगरमा इ–पुस्तकालय निर्माण गर्र्ने र पाँच महिला विद्यार्थीहरूलाई छात्रवृत्ति प्रदान गर्ने पनि प्रतिबद्धता जनाएको छ । बैंकले आगामी दिनहरूमा यो श्रृङ्खलालाई निरन्तरता दिने योजना बनाएको छ जसले युवाहरूलाई आफ्नो जीवनमा केही ठूलो काम गरिरहन उत्प्रेरित गरोस् ता कि हामी सबै उनीहरूको जीवनबाट प्रेरणा पाउन सकौँ, बैंकले भनेको छ ।


क्याटेगोरी : वित्त पूँजी बजार

तपाईको प्रतिक्रिया