नेपाल बैंकको वार्षिक साधारणसभा

काठमाडौं, पुस २७
नेपाल बैंकले वार्षिक साधारणसभा सम्पन्न गरेको छ । बैंकले शुक्रबार सशस्त्र प्रहरी बलको सभाहलमा आफ्नो ६०औँं वार्षिक साधारणसभा सम्पन्न गरेको हो । सभाले १० प्रतिशतका दरले ९८ करोड ११ लाख १४ हजार ८ सय रुपैयाँ नगद लाभांश दिने प्रस्ताव पारित गरेको भने चुक्ता पुँजीको १५ प्रतिशतको दरले हुन आउने एक अर्ब ४७ करोड १६ लाख ७२ हजार २ सय रुपैयाँ बराबरको बोनस सेयर वितरण गर्ने निर्णय पनि पारित भएको छ । बैंकले सोही सभामार्फत हाल कायम रहेको अधिकृत पुँजी १० अर्बबाट वृद्धि गरी १५ अर्ब कायम गर्ने र सोही अनुसार प्रबन्ध पत्रको सम्बन्धित दफामा संशोधन गर्ने प्रस्ताव समेत पारित गरेको छ ।