एनसीसी बैंक र आगन्तुक रिसोर्टबीच सम्झौता

काठमाडौं ।
नेपाल क्रेडिट एण्ड कमर्स बैंक (एनसीसी) र आगन्तुुक रिसोर्टबीच सम्झौता भएको छ । बैंक र काभ्रेको बनेपामा रहेको आगन्तुक रिसोर्टबीच विभिन्न आकर्षक छुट सुविधा प्याकेजहरूमा सम्झौता भएको हो । बैंक र रिसोर्टबीच एनसीसी बैंकको डेबिट तथा क्रेडिट कार्ड प्रयोगकर्ता, मोबाइल बैंकिङका ग्राहक र बैंकका कर्मचारीहरूलाई रिसोर्टमा उपलब्ध विभिन्न सेवाहरूमा विशेष छुट उपलब्ध गराउनेबारे सम्झौता भएको हो ।

रिसोर्टले फूड एण्ड बेभरेजमा १५ प्रतिशत, स्वीमिङ पुलमा १० प्रतिशत, हेल्थ क्लब मेम्बरसिपमा १० प्रतिशत, बर्थडे केकमा १५ प्रतिशत, सौनाजा कुज्जीमा १५ प्रतिशत र फुड स्टलमा १० प्रतिशत छुट उपलब्ध गराउनेछ । देशैभर शाखा सञ्जाल फैलिएको एनसीसी बैंकका सातवटै प्रदेशमा गरी कुल एक सय २८ शाखा सञ्चालनमा रहेका छन् भने आठवटा एक्स्टेन्सन काउन्टर सञ्चालित छन् । यस्तै देशभर जम्मा एक सय सातवटा एटीएम सञ्चालन गरी बैंकले आफ्ना ग्राहकहरूलाई स्तरीय सेवा प्रदान गरिरहेको छ । (आर्थिक दैनिकबाट)