Techie IT
×
गृहपृष्ठवित्त पूँजी बजारकोभिड १९ प्रभावितलाई मेट लाइफले तीन दिनमा नै बीमा भुक्तानी दिने

कोभिड १९ प्रभावितलाई मेट लाइफले तीन दिनमा नै बीमा भुक्तानी दिने


काठमाडौं ।
कोभिड–१९ को अवस्थाबाट प्रभावित ग्राहकहरूको सहयोगार्थ मेटलाइफ नेपालले कोभिड केयर सहायता कार्यक्रमको सुरुवात गरेको छ । यसअन्तर्गत कोभिड–१९ का कारण भएको मृत्युदाबीमा तीन कार्यदिनभित्रै द्रूतमार्गी बीमा भुक्तानी सेवा प्रदान गरिने कम्पनीले जनाएको छ ।

यसअन्तर्गत दाबीकर्तालाई बीमा दाबीका लागि आवश्यक कागजातहरू अनलाइन नै पेस गर्नसक्ने सुविधा दिइएको छ भने लाभार्थीले दाबी भुक्तानी तीन कार्यदिनभित्रै सोझै आफ्नो खातामा प्राप्त गर्न सक्नेछन् । ग्राहकहरूले अधिक जानकारीका लागि सरल चरणबद्ध निर्देशनहरूको अनुसरण गर्न सक्नेछन् ।

ू्रतमार्गी दाबीका साथै, यस कार्यक्रममा कोभिड लक्षण भएका ग्राहकहरूका लागि तीनवटा निदान केन्द्रहरूसँग घरमै आई पीसीआर परीक्षण प्रदान गर्ने सुविधाको पनि समावेश गरिएको छ भने डाँफे केयरमार्फत कोभिड संक्रमित ग्राहक र उनीहरूमा आश्रित परिवारजनहरूको विशेष हेरचाह प्रबन्धन कार्यक्रममा २० प्रतिशत छुटको समेत व्यवस्था गरेको छ ।

१४ दिने हेरचाह प्रबन्धन कार्यक्रममा भर्चुअल डाक्टरहरूद्वारा परामर्श, चिकित्सा परामर्श, निगरानी तथा कोभिड संक्रमित बिरामीहरूलाई आवश्यक औषधि सहयोग समावेश छ । यस सुविधाका लागि ग्राहकले केवल ०१–५९७०१६६ मा डायल गरी कल सेन्टरमा सम्पर्क वा इमेल गर्न सकिने कम्पनीले जनाएको छ ।

मेटलाइफ नेपालका महाप्रबन्धक निर्मलकाजी श्रेष्ठ भन्छन्, ‘अधिकांश नेपालीहरूका लागि अहिले अत्यन्त कठिन तथा अनिश्चित समय हो । जनमानसलाई विश्वासिलो भविष्य निर्माणका लागि मदत गर्न हामीले आफ्नो जिम्मेवारीहरू गम्भीरताका साथ लिएका छौँ र आशा राखेका छौँ कि यस कोभिड केयर सहायता कार्यक्रमद्वारा हाम्रा ग्राहकहरूलाई कोभिड–१९ बाट उत्पन्न चुनौतीहरूको सामना गर्न केही मात्रामा भए पनि मनशान्ति तथा सुरक्षण प्रत्याभूति प्राप्त हुनेछ । 


क्याटेगोरी : वित्त पूँजी बजार

तपाईको प्रतिक्रिया