नेपाल इन्भेष्टमेन्ट बैंकको ३३औं वार्षिक साधारणसभा

काठमाडौं, पुस २९
नेपाल इन्भेष्टमेन्ट बैंककोे ३३औं वार्षिक साधारणसभा सम्पन्न भएको छ । बैंकले सञ्चालक समितिका अध्यक्ष पृथ्वीबहादुर पाँडेको सभापतित्वमा वार्षिक साधारणसभा सम्पन्न गरेको हो । काठमाडौँको राष्ट्रिय सभा गृह, प्रदर्शनीमार्ग, काठमाडौँंमा सम्पन्न सभाले सञ्चालक समितिको प्रतिवेदन पारित गर्नुका साथै नेपाल राष्ट्र बैंकको निर्देशनअनुसार नेपाल फाइनान्सियल रिर्पोटिङ सिस्टम (एनएफआरएस) बमोजिम तयार वित्तीय विवरणउपर छलफल गरी स्वीकृत गरेको छ । सभाले २०७५–७६ सम्मको सञ्चित मुनाफाबाट २०७६ असार मसान्तसम्ममा कायम सेयर पुँजीको १० दशमलव पाँच प्रतिशत बोनस सेयर र आठ दशमलव पाँच प्रतिशत नगद लाभाशं दिने प्रस्ताव पनि पारित गरेको छ ।

बोनस सेयर वितरणपश्चात् बैंकको चुक्ता पुँजी १४ अर्ब २२ करोड रूपैयाँ पुुगेको छ । बैंकले आव ०७५/७६ मा चार अर्ब १३ करोडको सञ्चालन मुनाफा कमाएको छ । त्यसैगरी बैंकको खुद नाफा तीन अर्ब ३२ करोड पुगेको छ र बैंकको निक्षेप आठ दशमलव ४५ प्रतिशतले बढेर एक खर्ब ५२ अर्ब पुगेको छ भने कर्जा लगानी पाँच दशमलव २३ प्रतिशतले बढेर एक खर्ब २७ अर्ब पुगेको छ । बैंकको खराब कर्जा (एनपीए) अनुपात दुुई दशमलव सात ७८ प्रतिशत रहेको छ ।

बैंकले हालमा विस्तारित शाखाहरू सहित गरेर ८२ वटा शाखा कार्यालय, १६ वटा एक्सटेन्सन काउन्टर, १० वटा राजस्व संकलन एक्सटेन्सन काउन्टर, ५७ वटा शाखारहित बैंकिङ सुविधा तथा एक सय २४ वटा एटीएमबाट सेवा दिइरहेको छ । बैंक अफ दिइयर पाँच पटक प्राप्त गरिसकेको र युरोमनी नामक अन्तर्राष्ट्रिय पत्रिकाबाट युरोमनी अवार्ड प्राप्त गरिसकेको जानकारी दिएको छ ।