Techie IT
×
गृहपृष्ठbreakingसेयर बजार परिसुचक २६ सय १८ अंकमा

सेयर बजार परिसुचक २६ सय १८ अंकमा

१८ दसमलव ५६ अंकले बजार ओरालो लाग्दा छ अर्ब १४ करोडको सेयर किनबेच


काठमाडौं ।
सेयर बजार परिसुचक ओरालो लागेको छ । साताको पहिलो कारोवार दिन आज आईतबार बजार परिसुचक १८ दसमलव ५६ अंकले ओरालो लागेर २६ सय १८ दसमलव ५६ अंकमा झरेको छ ।

क बर्गका कम्पनीहरुको कारोवार मापन गर्ने सेन्सिटिभ इन्डेक्स पनि दुुई दसमलव ३१ अंकले ओरालो लागेर चार सय ७० दसमलव ७३ अंकमा झरेको छ । आज १३ वटा उपसमुह अन्तर्गत कुल दुई सय १९ वटा कम्पनीहरुको सेयर किनबेच भएका छन् । जसबाट ७५ हजार ४६ पटकको कारोवाारमा एक करोड २७ लाख २८ हजार एक सय २५ कित्ता सेयर खरिद बिक्री भएका छन् । जसबाट यसदिन कुल कारोवार रकम छ अर्ब १४ करोड ८९ लाख ६६ हजार सात सय ७२ रुपैयाँ पुगेको छ ।

नेपाल स्टक एक्सचेन्ज लिमिटेड (नेप्सें) मा कारोवार भएका सबै उपसमुहको सुचक ओरालो लागेर सेयर बजार पुरै रातो भएको छ । जसमध्ये बाँणिज्य बैंक, बिकास बैंक, जलबिद्युत, लघुबित्त, निर्जिवन बीमा, जीवन बीमा आदि समुहको सुचक उच्च अंकले घटेका छन् ।


क्याटेगोरी : breaking, वित्त पूँजी बजार

तपाईको प्रतिक्रिया