Techie IT
×
गृहपृष्ठवित्त पूँजी बजारमहिला लघुवित्तको नाफा छ करोड ४२ लाख

महिला लघुवित्तको नाफा छ करोड ४२ लाख


काठमाडौं ।
महिला लघुवित्त वित्तीय संस्थाले चालू आर्थिक वर्षको तेस्रो त्रैमासिक अवधिमा छ करोड २९ लाख ८८ हजार रुपैयाँ खुद मुनाफा आर्जन गरेको छ । गत आवको सोही अवधिमा संस्थाको यस्तो नाफा तीन करोड दुई लाख २५ हजार रुपैयाँ रहेको थियो ।

हाल चुक्ता पुँजी १० करोड रुपैयाँ रहेको संस्थाले चालू आवको तेस्रो त्रैमासिक अवधिमा ८६ करोड २८ लाख ६४ हजार रुपैयाँ निक्षेप संकलन गरी तीन अर्ब १८ करोड ९४ लाख रुपैयाँ कर्जा प्रवाह गरेको छ । सो अवधिमा १६ करोड पाँच लाख छ हजार रुपैयाँ खुद ब्याज आम्दानी गरेको संस्थाको प्रोभिजन रकम छ करोड २९ लाख ८८ हजार रुपैयाँ रहेको छ भने निष्क्रिय कर्जाको अनुपात दुई दशमलव २५ प्रतिशत रहेको छ ।

गत आवको सोही अवधिमा भने संस्थाले ६५ करोड १२ लाख ४९ हजार रुपैयाँ निक्षेप संकलन गरी एक अर्ब ६८ करोड ९४ लाख ७७ हजार रुपैयाँ कर्जा प्रवाह गरेको थियो । उक्त अवधिमा नौ करोड ९२ लाख ८९ हजार रुपैयाँ खुद ब्याज आम्दानी गरेको संस्थाको प्रोभिजन रकम चार करोड १२ लाख २१ हजार रुपैयाँ रहेको थियो भने निष्क्रिय कर्जाको अनुपात दुई दशमलव ५३ प्रतिशत रहेको थियो ।


क्याटेगोरी : वित्त पूँजी बजार

तपाईको प्रतिक्रिया