Techie IT
×
गृहपृष्ठवित्त पूँजी बजारएनएमबी बैंकद्वारा नेपालमै पहिलो पटक जारी गरिएको ऊर्जा ऋणपत्रमा देखियो आकर्षण

एनएमबी बैंकद्वारा नेपालमै पहिलो पटक जारी गरिएको ऊर्जा ऋणपत्रमा देखियो आकर्षण


काठमाडौं ।
एनएमबी बैंकद्वारा नेपालमै पहिलो पटक ऊर्जा ऋणपत्र जारी गरेकोमा ४ दिनमै मागभन्दा अत्यधिक आवेदन परेको छ । उक्त ऊर्जा ऋणपत्र जेठ ९ गते आइतबारदेखि बिक्री खुला गरिएकोमा पहिलो ४ कार्यदिनभित्रै अत्यधिक आवेदनको कारणले बिक्री बन्द गरिएको हो ।

एनएमबी बैंकले वार्षिक ४ प्रतिशत ब्याजदरमा एक अर्ब ५० करोडबराबरको १५ वर्षे अवधिको उक्त ऋणपत्र बिक्री खुला गरेको थियोे । यस ऋण पत्रबाट प्राप्त कोषलाई जलविद्युत् र अन्य नवीकरणीय ऊर्जा आयोजनाहरूमा लगानीको लागि उपयोग गरिनेछ । हालसम्म बैंकले ऊर्जा क्षेत्रमा ४३ जलविद्युत् परियोजनाहरूलगायत नवीकरणीय ऊर्जाको क्षेत्रमा कुल कर्जा सापटको १६ प्रतिशतभन्दा बढी रकमको प्रतिबद्घता गरिसकेको छ ।

उपयुक्त ऋणपत्र आह्वान गर्नुको मूलभूत उद्देश्य वास्तविक अर्थव्यवस्थाको समग्र विकासको लागि दिगो टेवा पु-याउने प्रतिबद्धताअनुरूप उत्तरदायी भूमिका निर्वाह गर्दै बैंकिङ सेवा प्रदान गर्नु रहेको बताइएको छ ।

हालको विषम परिस्थिति र यस महामारीको प्रभावका बाबजुद पनि विश्वास गरेर एनएमबी ऊर्जा ऋणपत्र खरिद गरी सहयोग र सदभाव प्रदान गरेकोमा सम्पूर्ण सुभेच्छुकहरू, लगानीकर्ता आवेदकहरू, आस्वा सदस्य बैंक तथा वित्तीय संस्थाहरू, नियमनकारी निकायहरू तथा सरोकारवालाहरू सबैप्रति एनएमबी बैंकले हार्दिक कृतज्ञता व्यक्त गरेको छ । बैंकले देशभरिका एक सय ८१ शाखाहरू, एक सय ३७ एटीएमहरू, नौ एक्सटेन्सन काउन्टरहरूमार्फत उच्चस्तरीय सेवा प्रदान गर्दै आइरहेको छ । 


क्याटेगोरी : वित्त पूँजी बजार

तपाईको प्रतिक्रिया