Techie IT
×
गृहपृष्ठवित्त पूँजी बजारएनआईसी एसिया बैंकले तीन अर्ब रुपैयाँबराबरको ऋणपत्र जारी गर्ने

एनआईसी एसिया बैंकले तीन अर्ब रुपैयाँबराबरको ऋणपत्र जारी गर्ने


काठमाडौं ।
एनआईसी एसिया बैंकले तीन अर्ब रुपैयाँबराबरको ऋणपत्र निष्काशन गर्ने भएको छ । बैंकका अनुसार प्रतिकित्ता एक हजार रुपैयाँ अंकित मूल्य कायम रहने गरी ३० लाख कित्ता ऋणपत्र निष्काशन गर्न लागिएको हो ।

निष्काशन गरिने कुल ऋणपत्रमध्ये एक अर्ब २० करोड रुपैयाँबराबरको १२ लाख कित्ता सर्वसाधारणको लागि बाँकी एक अर्ब ८० करोड रुपैयाँबराबरको १८ लाख कित्ता व्यक्तिगत तवरबाट बिक्री गरिने बैंकले जानकारी दिएको छ । एनआईसी एसिया ऋणपत्र २०८८’ नाम दिएको यो ऋणपत्रको अवधि १० वर्षको रहेको छ भने ब्याजदर आठ दशमलव पाँच प्रतिशत तोकिएको छ ।

सनराइज क्यापिटलमार्फत यही असार छ गतेबाट खुला हुुने ऋणपत्रको बिक्री कार्य छिटोमा यही असार नौ गते र ढिलोमा यही असार २० गते बन्द हुुनेछ । बैंकका अनुसार खरिदकर्जाहरूले न्यूनतम १० देखि अधिकतम १५ लाख कित्तासम्मको ऋणपत्र खरिदको लागि आवेदन दिन सक्नेछन् ।


क्याटेगोरी : वित्त पूँजी बजार

तपाईको प्रतिक्रिया