Techie IT
×
गृहपृष्ठवित्त पूँजी बजारयुनियन लाइफले ६४ करोड ५० लाख रुपैयाँको साधारण सेयर जारी गर्ने

युनियन लाइफले ६४ करोड ५० लाख रुपैयाँको साधारण सेयर जारी गर्ने


काठमाडौं ।
युनियन लाइफ इन्स्योरेन्स कम्पनीले ६४ करोड ५० लाख रुपैयाँबराबरको साधारण सेयर जारी गर्ने भएको छ । कम्पनीले यही असार २४ गतेबाट एक सय रुपैयाँ अंकित मूल्य कायम रहने गरी ६४ लाख ५० हजार कित्ता साधारण जारी जारी गर्न लागेको हो ।

सेयर निष्काशन तथा बिक्री प्रबन्धकको रूपमा प्रभुु क्यापिटल लिमिटेड रहेको कम्पनीको सेयर बिक्री कार्य छिटोमा यही असार २८ गते र ढिलोमा साउन सात गते बन्द हुुनेछ । खरिदकर्ताहरूले न्यूनतम १० देखि अधिकतम तीन हजार दुुई सय ५० कित्तासम्मको सेयर खरिदका लागि आवेदन दिन सक्नेछन् ।

बिक्री गरिने कुल सेयरमध्येमा पाँच प्रतिशत अर्थात् तीन लाख २२ हजार पाँच सय कित्ता कर्मचारीहरूको लागि, पाँच प्रतिशत अर्थात् तीन लाख २२ हजार पाँच सय कित्ता सामूहिक लगानी कोषको लागि र बाँकी ५८ लाख पाँच हजार कित्ता भने सर्वसाधारणको लागि छुट्याइएको छ ।

अधिकृत पुँजी दुई अर्ब १५ करोड रुपैयाँ रहेको कम्पनीको जारी पुँजी पनि दुई अर्ब १५ करोड रुपैयाँ नै रहेको छ । कम्पनीमा संस्थापक सेयरधनी समूहको ७० प्रतिशत र सर्वसाधारण सेयरधनी समूहको ३० प्रतिशत सेयर स्वामित्व रहेको छ ।


क्याटेगोरी : वित्त पूँजी बजार

तपाईको प्रतिक्रिया