Techie IT
×
गृहपृष्ठवित्त पूँजी बजारसानिमा बैंकको शाखा ललितपुरको भैँसीपाटीमा

सानिमा बैंकको शाखा ललितपुरको भैँसीपाटीमा


काठमाडौं ।
सानिमा बैंकले ललितपुरको भैँसीपाटीमा पनि शाखा खोलेको छ । उक्त शाखाको समुद्घाटन बैंकका ब्रान्ड प्रवद्र्धक वरिष्ठ कलाकार मदनकृष्ण श्रेष्ठ र हरिवंश आचार्य (मह जोडी)ले संयुक्तरूपमा गरेका हुन् ।

सो अवसमा मह जोडीले ललितपुरको भैँसेपाटीमा सानिमा बैंकको कार्यालय सञ्चालनमा आएकोमा बैंकलाई बधाइ ज्ञापन गर्दै सबल अनि विश्वसनीय बैंकको रूपमा निरन्तर विस्तार हुन र थप सफलताको लागि शुभकामना व्यक्त गरेका छन् ।

कार्यक्रममा बैंकका नायब प्रमुख कार्यकारी अधिकृत तेज बहादुर चन्दले बैंकका ग्राहक तथा सरोकारवालालाई निरन्तर सहयोग तथा संरक्षणका लागि कृतज्ञता व्यक्त गरेका थिए । बैंकले हाल सातवटै प्रदेशमा ८६ वटा शाखा, १८ विस्तारित काउन्टर र ९५ वटा एटीएममार्फत वित्तीय सेवा उपलब्ध गराउँदै आएको छ ।


क्याटेगोरी : वित्त पूँजी बजार

तपाईको प्रतिक्रिया