राष्ट्रिय वाणिज्य बैंकको ५५औं वार्षिकोत्सवको अवसरमा रक्तदान

काठमाडौँ माघ ८

राष्ट्रिय वाणिज्य बैंक लिमिटेडको ५५औं वार्षिकोत्सवको अवसरमा बैंकको केन्द्रीय कार्यालय परिसरमा सोमबार रक्तदान कार्यक्रम सम्पन्न भएको छ । कार्यक्रममा एक सय ५४ जनाले रक्तदान गरेको बैंकले जानकारी दिएको छ । बैंकको विभिन्न प्रादेशिक कार्यालयहरूमा पनि रक्तदान कार्याक्रम सञ्चालन भइरहेका छन् । साथै, बैंकले वार्षिकोत्सवको उपलक्ष्यमा व्याडमिन्टन, टेबलटेनिस, म्यूजिकलचियर, फुटसल खेलकुद प्रतियोगिताको पनि आयोजना गरिरहेको छ । बैंकको ५५औं वार्षिकोत्सवको अवसरमा माघ ४ गते शनिबार बिहान ८ बजे वित्तीयक्षरतासम्बन्धी प्रभातफेरी कार्यक्रमको आयोजना गरिएको थियो ।