मेरो माइक्रोफाइनान्स लघुवित्तको शाखा सितापाइलामा
काठमडौं । मेरो माइक्रोफाइनान्स लघुवित्त वित्तीय संस्था लिमिटेडले काठमाडौंस्थित सितापाइलामा मंगलबारदेखि शाखा कार्यालय सञ्चालनमा ल्याएको छ । दुर्गम तथा ग्रामीण भेगहरूका साथै सहरी क्षेत्रमा आफ्नो उपस्थिति दरिलो र प्रभावकारी बनाउने क्रममा शाखा सञ्चालनमा ल्याएको संस्थाले जानकारी दिएको छ ।
संस्थाका सञ्चालक समितिका अध्यक्ष सञ्जिव मानन्धरबाट एक समारोहबीच सितापाइला शाखा कार्यालय उद्घाटन भएको हो । शाखा कार्यालय उद्घाटन कार्यक्रममा संस्थाका सञ्चालक समितिका पदाधिकारीहरू तथा कर्मचारीहरूको उपस्थिति रहेको थियो ।
उद्घाटन समारोहलाई सम्वोधन गर्दै संस्थाका अध्यक्ष मानन्धरले शाखा कार्यालय सञ्चालनमा आएकोमा संस्थालाई बधाई दिए । साथै सबल अनि विश्वसनीय संस्थाको रूपमा स्थापित गराउन आफू निरन्तर लागिपर्ने समेत बताए । लघुवित्त कार्यक्रमले स्थानीय स्रोत साधन र सीपको अत्यधिक उपयोग गरी नागरिकहरूलाई उत्पादनशील कार्यमा संलग्न गराई व्यावसायिक क्रियाकलापमा लगाउन लघुवित्तले सहयोग पु¥याउने समेत विश्वास व्यक्त गरे ।
त्यस्तै संस्थाका प्रमुख कार्यकारी अधिकृत रामहरि दाहालले सबै वर्ग र क्षेत्रलाई लघुवित्त कार्यक्रममा समावेश गरी स्थानीय सीप र स्रोतको परिचालनमा नागरिकहरूलाई आर्थिक रूपमा सक्षम बनाउनु संस्थाको उद्देश्य रहेको प्रमुख कार्यकारी अधिकृत दाहालले बताए । त्यस्तै नागरिकहरूले गरेको अथाह विश्वास, भरोसाले देशभरका हरेक सम्भावित क्षेत्रको अध्ययन गरी निकट भविष्यमा थप शाखा सञ्जाल विस्तार गर्ने योजना रहेको समेत बताए ।
नुवाकोटको बट्टारमा केन्द्रीय कार्यालय रहेको माइक्रोफाइनान्सको नयाँ शाखा विस्तारसँगै ६१ जिल्लामा एक सय ३० शाखा कार्यालय पुगेको छ । संस्थाले आफ्ना ग्राहकहरूलाई आधुनिक एसएमएस मोबाइल बैंकिङ सुविधा समेत उपलब्ध गराइरहेको संस्थाले जनाएको छ ।
क्याटेगोरी : बैंक बित्त बजार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया