Techie IT
×
गृहपृष्ठवित्त पूँजी बजारसानिमा बैंकका ग्राहकले शून्य प्रतिशत किस्तामा सामसुङको मोबाइल किन्न सक्ने

सानिमा बैंकका ग्राहकले शून्य प्रतिशत किस्तामा सामसुङको मोबाइल किन्न सक्ने


काठमाडौं । सानिमा बैंकका ग्राहकले शून्य प्रतिशत किस्तामा सामसुङको मोबाइल किन्न सक्ने भएका छन् । बैंकका अनुसार नेपालस्थित सामसुङ मोबाइल फोनको आधिकारिक बिक्रेताहरु आईएमएस नेपाल प्रालि र हिम इलेक्ट्रोनिक्सबीच सानिमा बैंकका ग्राहकहरुलाई सामसुङको फल्यागसिप स्मार्टफोन जस्तैः जेड फोल्ड थ्री र जेड फिलपथ्री स्मार्टफोन शून्य प्रतिशत मासिक किस्तामा प्रदान गर्ने सम्झौता भएको हो ।

सम्झौताअनुसार सानिमा बैंकका ग्राहकहरुले क्रेडिट कार्ड प्रयोग गरी सामसुङ कम्पनीको स्मार्ट फोनहरु जेड फोल्ड थ्री र जेड फ्लिप थ्री शून्य प्रतिशत मासिक किस्तामा १२ महिना समयावधिको लागि प्रि—बुकिङ गर्न सक्नेछन् । यसका साथै प्रि–बुकिङमा आकर्षक उपहार पनि प्राप्त गर्न सक्नेछन् । भदौ २० गतेबाट प्रि–बुकिङ सुरु भएको उक्त मोबाइल फोनको औपचारिक लन्च आश्विन ६ गते हुनेछ ।

प्रि–बुकिङ आईएमएस स्मार्ट तथा सामसुङ प्लाजास्थित हिम इलेक्ट्रोनिक्सको नेपालभर रहेका आधिकारिक आउटलेटबाट गर्न सक्नेछन् । सानिमा बैंकको क्रेडिट कार्ड बैंकको वेबसाइटमा लगइन गरी आवेदन दिन सकिन्छ । बैंकको देशका सातै प्रदेशमा एक सय चारवटा शाखा कार्यालय तथा ९६ वटा एटीएम सञ्चालनमा रहेका छन् । 


क्याटेगोरी : वित्त पूँजी बजार

तपाईको प्रतिक्रिया