कामना सेवाकोे प्रदेश ५ मा एकैसाथ दुुई शाखा

काठमाडौं, माघ १३
कामना सेवा विकास बैंक लिमिटेडले एकैसाथ दुुईवटा शाखा सञ्चालनमा ल्याएको छ । बैंकले आफ्नो सेवा विस्तार गर्ने क्रममा प्रदेश नं. ५ अन्तर्गत नवलपरासी जिल्लाका बर्दघाट नगरपालिका वडा न. ४, बर्दघाट र रूपन्देही जिल्ला, तिलोत्तमा नगरपालिका वडा नं. ५, मणिग्राममा आइतबार एकैसाथ २ वटा शाखा कार्यालय स्थापना गरीउद्घाटन गरेको छ । योसँगै अब बैंकको शाखा संख्या एक सय १६ पुगेका छन् । बर्दघाट शाखाको उद्घाटन बर्दघाट नगरपालिकाका प्रमुख धिरज शर्मा बस्याल र बैंकका सञ्चालक भिमप्रसाद तुलाचनले संयुक्तरुपमा गरेका हुन् ।

यसैगरी मणिग्राम शाखाको उद्घाटन तिलोत्तमा नगरपालिका बासुदेव घिमिरे र बैंकका सञ्चालक भीमप्रसाद तुलाचनले संयुक्तरूपमा गरेका हुुन् । बैंकले हाल सबै क्षेत्रमा गरी एक सय १६ वटा शाखा कार्यालयहरू तथा ६० वटा एटीएममार्फत आफ्ना ग्राहकहरूलाई सेवा प्रदान गर्ने भएको छ । साथै बैंकले एबीबीएस, इन्टरनेट बैंकिङ, मोबाइल बैंकिङ, भी फाइभलगायतका माध्यमबाट समेत सम्पूर्ण बैंकिङ सेवाहरू उपलब्ध गराउँदै आएको तथा समय सापेक्षरूपमा आफ्ना सेवाहरू थप गर्दै जाने बैंकको योजना रहेको छ ।