Techie IT
×
गृहपृष्ठवित्त पूँजी बजारलक्ष्मी बैंकले पायो एसियन डेभेलपमेन्ट बैंकको ‘लिडिङ पार्टनर बैंक’को उपाधि

लक्ष्मी बैंकले पायो एसियन डेभेलपमेन्ट बैंकको ‘लिडिङ पार्टनर बैंक’को उपाधि


काठमाडौं । एसियन डेभेलपमेन्ट बैंकले २०२१ को लिडिङ पार्टनर बैंकको उपाधिबाट लक्ष्मी बैंकलाई सम्मानित गरेको छ । सो उपाधि एडीबीको ट्रेड तथा सप्लाई चेन फाइनान्स योजनाअन्तर्गत रहेको छ जसमा एडीबीसँगको सहकार्यमा सबैभन्दा बढी कारोबार गर्ने बैंकलाई प्रदान गर्ने गरिन्छ । लक्ष्मी बैंकले सो उपाधि लगातार दोस्रो वर्ष प्राप्त गर्न सफल भएको हो ।

एडीबीले सो उपाधिहरू जुलाई १, २०२० देखि जुन ३०, २०२१ को अवधिभर गरिएको विभिन्न सहकार्यको आधारमा प्रदान गर्नेगरेको छ र सोही अवधिमा लक्ष्मी बैंकले विभिन्न साना, मझ्यौला तथा ठुला संस्थाहरूसँग कारोबार गरी सबैभन्दा सक्रिय साझेदार बैंकको रूपमा प्रस्तुत भएको छ । एडीबीको ‘लिडिङ पार्टनर बैंक’ उपाधिले लक्ष्मी बैंकको व्यापार तथा वित्त, परिचलन क्षमता, वित्तिय स्वास्थ र जोखिम व्यवस्थापानको सुदृधिकारण गर्ने प्रयासहरूलाई अझ सार्थक बनाएको छ ।

हालको कोभिड–१९ को स्थितिका कारण, भर्चुअलु गरिएको पुरस्कार समरोहमा सो उपाधि लक्ष्मी बैंकलाई प्रदान गरिएको थियो । सो कार्यक्रममा दुुई सयभन्दा बढी साझेदार बैंकहरू उपस्थित थिए । जसमा २५ बैंक हरूलाई २० वटा श्रेणीमा विभिन्न उपाधिहरूद्वारा सम्मानित गरिएको थियो ।


क्याटेगोरी : वित्त पूँजी बजार

तपाईको प्रतिक्रिया