Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारसनराइज बैंकको शाखारहित बैंकिङ सेवा मोरङको मृगौलियामा

सनराइज बैंकको शाखारहित बैंकिङ सेवा मोरङको मृगौलियामा


काठमाडौं, माघ १४
सनराइज बैंक लिमिटेडले बैंकिङ सेवा नपुगेका विभिन्न स्थानहरूमा बैंकिङ सेवा पु-याउँदै जाने उद्देश्यका साथ मोरङको मृगौलियामा ४७औं शाखारहित बैंकिङ सेवाको सुरूवात गरेको छ । बैंकका अनुसार शनिबार आयोजित एक कार्यक्रममा सुन्दरहरैचा नगरपालिकाका वडा नं २ का अध्यक्ष दोरीलाल चौधरी र सुन्दरहरैचा नगरपालिका सदस्य रामलाल गच्छधारले संयुक्तरूपमा उद्घाटन गरेका हुुन् ।

उक्त बैंकिङ सेवाका प्रतिनिधिदेव नारायण चौधरीलाई पोइन्ट अफ सेल मेसिन हस्तान्तरण गर्दै शाखारहित बैंकिङ सेवा सञ्चालन भयो । उक्त पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ सेवाअन्तर्गत एटीएम कार्डमार्फत कारोबार गर्न सकिने जनाइएको छ । यो सेवाबाट निक्षेप सकंलन, रकम भुक्तानी, रकम स्थानान्तरण, बिल भुक्तानीजस्ता सेवाहरू लिन सकिने जनाइएको छ ।

बैंकले हाल आफ्ना एक सय ३० वटा शाखा, ४७ वटा शाखारहित बैंकिङ सेवा, आठवटा एक्सटेन्सन काउन्टर र एक सय ५२ वटा एटीएममार्फत आफ्ना छ लाख ग्राहकहरूलाई सेवा प्रदान गर्दै आइरहेको छ । साथै बैंकले आफ्ना सेवाहरू विस्तार गर्ने क्रममा, नेपालका अन्य स्थानहरूमा पनि बैकिङ सेवा सञ्चालन गर्दै जाने योजना रहेको जानकारी दिएको छ ।


क्याटेगोरी : बैंक बित्त बजार

तपाईको प्रतिक्रिया