Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारकुमारी बैंक र सारथि होटलबीच सम्झौता

कुमारी बैंक र सारथि होटलबीच सम्झौता


काठमाडौं । कुमारी बैंक लिमिटेड र काभ्रेको धुलिखेलस्थित एक प्रसिद्ध होटल, सारथि होटल प्राइभेट लिमिटेडबीच आफ्ना ग्राहकवर्गलाई विशेष छुट सम्बन्धमा सहकार्य भएको छ । सो सहकार्यपश्चात् कुमारी बैंकका ग्राहकवर्गले सोही होटलअन्तर्गतका विभिन्न खानपिनलगायतमा १० प्रतिशत देखि १५ प्रतिशतसम्मको आकर्षक छुट प्राप्त गर्न सक्नेछन् ।

जिन्दगीको निरन्तर यात्रामा थकित तन र मनलाई गतिशील राख्न एवं मानसिक सचेतना तथा ऊर्जा पूणर्जागरणका लागि विश्राम तथा मनोरञ्जन अत्यावश्यक रहेको र दैनिक जीवनको कार्यव्यस्तताबाट राहतको लागि सो होटलको बसाइ सेवाग्राहीका लागि लाभदायक हुनेमा विश्वस्त रही कुमारी बैंकले आफ्ना ग्राहकहरूलाई यस सहकार्यमार्फत सारथि होटलको विभिन्न सेवाहरूमा बैंकको डेबिट, क्रेडिट कार्डवाहकहरूलाई आकर्षक छुटको व्यवस्था गरेको हो । सो सम्झौतापत्रमा कुमारी बैंक लिमिटेड बनेपा शाखाकी शाखा प्रबन्धक श्रीमती नवीना वैद्यले तथा सारथि होटलका तर्फबाट प्रबन्ध निर्देशक तथा कार्यकारी अध्यक्ष प्रल्हाद प्याकुरेलले हस्ताक्षर गरेका हुन् ।

बैंकले आफ्ना देशव्यापी एक सय ९६ शाखा सञ्जाल, एक सय ६५ एटीएम, ३२ शाखारहित बैंकिङ इकाइ तथा १३ एक्सटेनसन काउन्टरबाट अत्यधुनिक बैंकिङ सुविधाहरू दिँदै आएकोे र आगामी दिनहरूमा अझ सरल, सुलभ तथा उत्कृष्ट सेवाका निमित्त सहकार्यहरू गर्दै जाने प्रतिबद्धता जनाएको छ । 


क्याटेगोरी : बैंक बित्त बजार

तपाईको प्रतिक्रिया