एक्सेल डेभलपमेन्ट बैंकको वार्षिक साधारणसभा
काठमाडौं । एक्सेल डेभलपमेन्ट वैंक लिमिटेडको १५औं वार्षिक साधारणसभा सम्पन्न भएको छ । बैंकले शनिबार सञ्चालक समितिका अध्यक्ष महेन्द्रकुमार गोयलको अध्यक्षतामा वार्षिक साधारणसभा सम्पन्न गरेको हो । सभाले आव २०७६–०७७ को वितरणयोग्य सञ्चित मुनाफा र सेयर प्रिमियमबाट सेयरधनीहरूलाई हाल कायम चुक्ता पुँजी ८१ करोड ११ लाख २१ हजार रुपैयाँको १२ प्रतिशतका दरले बोनस सेयर र उक्त बोनश सेयरबापतको कर प्रयोजनको लागि शून्य दशमलव ६३ प्रतिशत नगद लाभांश वितरण गर्ने प्रस्ताव पारित गर्नुका साथै सर्वसाधारण सेयरधनीहरूका तर्फबाट सञ्चालक समितिमा प्रतिनिधित्व गर्ने तीन जना सञ्चालकहरूमा पर्शुराम दाहाल, पुरुषोत्तम लम्साल र पेसलराज पोखरेललाई निर्वाचित गरेको छ ।
बैंकको हालसम्म लगानीमा रहिरहेको कर्जा १० अर्बभन्दा बढी रहेको छ भने निक्षेप संकलन ११ अर्बभन्दा बढी रहेको छ । झापा जिल्लाको विर्तामोडमा केन्द्रीय कार्यालय रहेको बैंकले हाल झापा, इलाम, मोरङ, सुनसरी र पाँचथरका विभिन्न ४१ स्थानमा अवस्थित आफ्ना शाखा कार्यालयहरूमार्फत ग्राहकसमक्ष बैंकिङ सेवा प्रदान गरिरहेको छ भने चालू आवमा आफ्नो कार्यक्षेत्र भित्रका जिल्लाहरूमा थप नयाँ शाखाहरू स्थापना गर्ने र निकट भविष्यमा १ नम्बर प्रदेशभर आफ्नो कारोबार सञ्चालन गर्ने उद्देश्यका साथ पुँजी वृद्धि योजना अघि बढाएको छ । पुँजी वृद्धिका लागि कम्पनीको गत चौधौँ वार्षिक साधारणसभाको निर्णयअनुसार चुक्ता सेयर पुँजी ८१ करोड ११ लाख २१ हजार दुई सय २४ पैसाको ३० प्रतिशतका दरले २४ करोड ३३ लाख ३६ हजार तिन सय ६७ पैसाको हकप्रद सेयर निष्काशन मिति असोज २५ गते खुल्ला हुनेभएको छ ।
क्याटेगोरी : बैंक बित्त बजार
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया