सिभिल सहकारीपीडितहरू सीआईबीमा लाइन
२ दिनमा ३ सय ७५ जनाको उजुरी, १ अर्ब ७५ करोड ठगीको जाहेरी !
काठमाडौं । प्रहरी अनुसन्धान केन्द्रीय ब्युरो सीआईबी हिजोआज साँच्चै पीडितहरुको अखडा बनेको छ । सिभिल समूहका अध्यक्ष इच्छाराज तामाङबाट ठगिएकाहरु सीआईबीमा लाइन लाग्न थालेपछि यस्तो अनुभूति भएको हो । देशभरबाट जम्मा भएका पीडितहरुले विगत तीन दिनदेखि सीआईबीको महाराजगञ्जस्थित कार्यालयमा भीड लागेको छ ।
ब्युरोका प्रवक्ता प्रहरी उपरीक्षक एसपी श्याम कुमार महतोका अनुसार शुक्रबारसम्म तीन सय ७५ जना पीडितहरुले तामाङसहित पक्राउ परेका १२ जनाविरुद्ध ठगीको जाहेरी दिएका छन् । शुक्रबारसम्म एक अर्ब ७५ करोड ३६ लाख रुपैयाँ रकम ठगिएको उजुरी सीआईबीलाई प्राप्त भएको छ ।
सिभिल सहकारीका अध्यक्ष तथा ऋण शाखाको प्रमुख केशवलाल श्रेष्ठ र सिभिल बैंकका अध्यक्ष इच्छाराज तामाङले बचतकर्ताहरुको आठ अर्ब ५७ करोडभन्दा बढी बचत रकम हिनामिना गरेको आरोपमा उनीहरु दुई जनासहित १२ जनालाई सीआईबीले पक्राउ गरेको थियो । पक्राउपछि सीआईबीको कार्यालयमा पीडितहरुको भीड लाग्न थालेको छ ।
पीडितहरुले सीआईबीका डीआईजी धिरज प्रताप सिंहलाई भेट्दै आफ्नो दुखेसो पोख्ने गरेका छन् । डीआईजी सिंहको नेतृत्वमा तामाङ पक्राउ परेपछि पीडितहरुले उनीबाट न्याय पाउने आशा गरेका छन् ।
पीडितहरुका अनुसार तामाङबाट ठगिनेहरु विदेशमा समेत छन् । पीडितहरुले आफूले जम्मा गरेको रकमको स्लिप र विदेशस्थित नेपाली दूतावासको छाप लगाएर सीआईबीको वेबसाइटमै उजुरी पठाउन मिल्ने सीआईबीले जनाएको छ ।
सीआईबी कार्यालयमा नेपाल सरकारकै अवकाशप्राप्त उच्च अधिकारी, विदेशस्थित कूटनीतिक नियोगबाट अवकाश पाएका अधिकारी र शारीरिक रुपमा अपांगता भएका व्यक्तिसम्मले उजुरी दिन पुगेका छन् । उनीहरुले रकम जम्मा गरेको प्रमाणका आधारमा सीआईबीले तामाङसहित सहकारीका उच्च अधिकारीविरुद्ध ठगी मुद्दामा जाहेरी दर्ता गरिरहेको छ ।
सीआईबीका अनुसार उजुरी लिने क्रम निरन्तर जारी रहनेछ । सिभिल सहकारीमा बचत गर्नेहरुले सीआईबीको महाराजगञ्जस्थित कार्यालयमा गएर ठगीको जाहेरी दिन सक्नेछन् । पीडितहरुले आज आइतबारदेखि दशैँ बिदाअघिसम्म जाहेरी दिन सक्नेछन् । त्यसपछि पनि जाहेरी लिने कार्यक्रम जारी रहने सीआईबीले जनाएको छ ।
क्याटेगोरी : समाचार
ताजा अपडेट
- कतारका अमिरको आश्वासन: नेपाली श्रमिकलाई ‘राम्रो सुविधा’ हुने क्षेत्रमा रोजगारी
- तराईका केही स्थानमा हुरीबतासको चेतावनी, बाँकी भागमा मौसम सफा रहने
- चेम्बर सल्लाहकार परिषद् अध्यक्षमा श्रेष्ठ
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया