कृषि विकास बैंकद्वारा हेटौडा सहिद पार्कका लागि सहयोग

काठमाडौं, माघ १६
कृषि विकास बैंकले सहिद पार्कको लागि आर्थिक सहयोग गरेको छ । बैंकले मकवानपुर हेटौडास्थित सहिद स्मारकलाई सामाजिक सामुदायिक कार्यक्रमअन्तर्गत बैंकले उक्त पार्कभित्र पर्यटकहरूलाई सूचना प्रवाह गर्ने प्रयोजनका लागि निर्माण गरिएको पर्यटन सूचना केन्द्र (नमस्ते सेन्टर)का लागि आर्थिक सहयोग गरेको हो ।

बैंकका अनुुसार भिजिट नेपाल २०२० सचिवलय र प्रदेश सरकारसँगको सहकार्यमा नौ लाख ५० हजार रूपैयाँ खर्च गरी प्रत्यक्ष सहयोग पु-याएको हो । पर्यटक तथा आगन्तुकको सुविधालाई ध्यानमा राखी सोही नमस्ते सेन्टर रहेको परिसरमा बैंकले आफ्नो नयाँ एटीएम मेसिनसमेत राखी प्रदेश सरकारको पर्यटन, वन तथा वातावरण मन्त्री अरुण नेपाल र बैंकका प्रमुख कार्यकारी अधिकृत अनिलकुमार उपाध्यायले बुुधबार उद्घाटन गरेका हुुन् । भिजिट नेपाल २०२० लाई सफल बनाउने क्रममा बैकले सुरुका दिनबाट नै उपरोक्त प्रकृतिका सहयोग तथा सेवा प्रवाह गर्दै आएको छ ।

उक्त कार्यक्रममा कृषि विकास बैंक लिमिटेडका उपमहाप्रबन्धक धु्रवचन्द्र गौतम, बैंकका शाखा व्यवस्थापन विभागका विभागीय प्रमुख अजय रिमाल, प्रदेश कार्यालय वीरेन्दनगरका निर्देशक जगदिश्वर पन्थी र शाखा कार्यालय हेटौडाका प्रबन्धक रामप्रसाद गजुरेलको समेत उपस्थिति रहेको थियो ।