Techie IT
×
गृहपृष्ठवित्त पूँजी बजारएनएमबी बैंकको एआईमा अधारित ‘भिडियो केवाईसी’ नेपाली बैंकिङ जगतमै पहिलो

एनएमबी बैंकको एआईमा अधारित ‘भिडियो केवाईसी’ नेपाली बैंकिङ जगतमै पहिलो


काठमाडौं । एनएमबी बैंकले भिडियो केवाईस, एक भिडियो कलमा आधारित ५ मिनेटमै देश वा विदेशमौ रही खाता खोली कोरोबार गर्न सकिने योजना सञ्चालनमा ल्याएको छ । बैंकले नेपाली बैंकिङ जगतमै सुरुदेखि अन्त्यसम्मको पूर्ण डिजिटल रूपमा खाता खोल्ने प्रक्रिया सुरु गर्ने पहिलो बैंक भएको दाबी समेत गरेको छ । बैंकले आइतबार काठमाडौंमा पत्रकार सम्मेलन गरी यो सेवा सञ्चालनमा ल्याएको घोषणा गरेको हो । यो सेवामार्फत अब ग्राहकहरूले एनएमबीमा भिडियो कलमार्फत अनलाइन नायाँ खाता खोल्न यस डिजिटल सेवा प्रयोग गरेर आफ्नजो केवाईसी विवरणहरू पूरा अपडेट गर्न सक्दछन् ।

‘एनएमबीले ग्राहकहरूको लागि नेपालमा डिजिटल बैंकिङको अनुभवमा परिवर्तनको सुरुवात गर्दै छ । ग्राहकहरूले अब मोबाइल र इन्टरनेट बैंकिङको परम्परागत उपयोगको परिधिभन्दा माथि उठेर बैंकसम्म नधाईकनै मुख्य बैंकिङ गतिविधिहरू सञ्चालन गर्न सक्दछन् । हालको परिवेशमा पनि यसप्रकारको सेवाले हाम्रा ग्राहकहरूको लागि घरमै बसी बैंकिङ कारोबार सहज बनाउनुको साथै सबै प्रकारको म्यानुअल कामलाई निर्मूल पार्दै पारदर्शिता, त्रुटिरहित र कागजविहीन बैंकिङ सेवा प्रदान गर्दछ जुन बैंकको ग्लोबल एलाइन्स फर भ्यालु बेस्ड बैंकिङ सदस्यका नाताले वातावरणमैत्री बैंकिङप्रति प्रतिबद्धता परिपूर्ति गर्नु रहेको छ’, बैंकले जारी गरेको विज्ञप्तिमा भनिएको छ ।

यसैबीच बैंकले लोकप्रिय युवा अभिनेता तथा समाजसेवी पल शाहलाई बैंकको ब्रान्ड एम्बेसेडर नियुक्त गरेको छ । बैंकले पत्रकार सम्मेलनमार्फत सो जानकारी गराएको हो । एनएमबी बैंक नेपालकै अग्रणी बैंक हो भने शाह टेलिभिजनको इडिटिङ, म्युजिक भिडियो हुँदै नेपालको सिनेमा जगतमा प्रशंसा प्राप्त गरिरहेको उदीयमान अभिनेतामध्ये एक हुन् ।

एक प्रेस वक्तव्य जारी गर्दै बैंकले शाहसँग दुईपक्षीय समझदारी भएको जनाएको छ । शाहसँगको सहकार्यले बैंकको प्रवर्द्धन गर्न थप सहयोग पुग्ने विश्वास लिइएको बैंकले जनाएको छ । एनएमबी बैंकको ब्राण्ड एम्बेसेडर भएर सहकार्य गर्न पाउँदा आफूलाई खुशी लागेको र बैंकको उत्तरोत्तर प्रगतिमा आफूले उत्कृष्ट भूमिका प्रस्तुत गर्ने प्रतिबद्धता शाहले व्यक्त गरे । शाहलाई एनएमबी बैंक परिवारमा ब्रान्ड एम्बेसेडरका रूपमा अफिसियल स्वगत गर्न पाउँदा खुशी लागेको बैंकले जनाएको छ । जरी शाहले अभिनयसँगै समाज सेवालाई पनि प्राथमिकतामा राखी कार्य गर्दै आएका छन् त्यसैगरी एनएमबी बैंकले पनि सामाजिक उत्तरदायित्वलाई मूल धारमा राखी कार्य गर्दै आएको छ । 


क्याटेगोरी : वित्त पूँजी बजार

तपाईको प्रतिक्रिया