Techie IT
×
गृहपृष्ठवित्त पूँजी बजारसामुदायिक लघुवित्तको पहिलो त्रैमासिक नाफा एक करोड पाँच लाख

सामुदायिक लघुवित्तको पहिलो त्रैमासिक नाफा एक करोड पाँच लाख


काठमाडौं । सामुदायिक लघुवित्त वित्तीय संस्थाले चालू आर्थिक वर्षको पहिलो त्रैमासिक अवधिमा एक करोड पाँच लाख ४१ हजार रुपैयाँ खुद मुनाफा कमाएको छ । गत आवको सोही अवधिमा भने संस्थाको यस्तो नाफा ११ लाख २० हजार रुपैयाँ रहेको थियो ।

हाल चुक्ता पुँजी १३ करोड २० लाख रुपैयाँ रहेको संस्थाले चालू आर्थिक वर्षको पहिलो त्रैमासिक अवधिमा ५२ करोड २२ लाख ७४ हजार रुपैयाँ निक्षेप संकलन गरी एक अर्ब ३८ करोड ७० हजार रुपैयाँ कर्जा प्रवाह गरेको छ । सो अवधिमा दुई करोड ७३ लाख तीन हजार रुपैयाँ खुद ब्याज आम्दानी गरेको संस्थाको प्रोभिजन रकम १४ लाख ६७ हजार रुपैयाँ रहेको छ भने निष्क्रिय कर्जाको अनुपात चार दशमलव ६६ प्रतिशत रहेको छ ।

गत आवको सोही अवधिमा भने संस्थाले ४५ करोड तीन लाख नौ हजार रुपैयाँ निक्षेप संकलन गरी एक अर्ब १७ करोड ७४ लाख ४१ हजार रुपैयाँ कर्जा प्रवाह गरेको थियो । उक्त अवधिमा दुई करोड ७८ लाख ९५ हजार रुपैयाँ खुद ब्याज आम्दानी गरेको संस्थाको प्रोभिजन रकम दुई करोड २६ लाख ३५ हजार रुपैयाँ रहेको संस्थामा चार दशमलव ८५ प्रतिशत कर्जा निष्क्रिय रहेको थियो । 


क्याटेगोरी : वित्त पूँजी बजार

तपाईको प्रतिक्रिया