मौद्रिक नीतिको पहिलो त्रैमासिक समिक्षा पछिको पहिलो दिनको सेयर कारोवार रातै

काठमाडौं । चालु आर्थिक बर्षको मौद्रिक नीतिको पहिलो त्रैमासिक समिक्षा पछिको सेयर बजार परिसुचक रातै देखिएको छ । सेयर बजार परिसुचक आज ८० दसमलव २९ अंकले ओरालो लागेर २६ सय ५१ दसमलव ४९ बिन्दुमा झरेको छ ।

क बर्गका कम्पनीहरुको कारोवार मापन गर्ने सेन्सिटिभ इन्डेक्स पनि आज १४ दसमलव १९ बिन्दुले ओरालो लागेर पाँच सय एक दसमलव ४५ बिन्दुमा झरेको छ । यसदिन १३ वटा उपसमुहहरु अन्तर्गत दुई सय ३४ वटा कम्पनीहरुको सेयर खरिद बिक्री भएका छन् । जसबाट ७० हजार आठ सय ४२ पटकको कारोवारमा एक करोड १९ लाख तीन हजार दुई सय दुई कित्ता सेयर खरिद बिक्री भएका छन् ।

सोही खरिद बिक्रीका आधारमा आज कुल सेयर कारोवार रकम पाँच अर्ब ८३ करोड ५१ लाख ३५ हजार ५५ रुपैयाँ पुगेको छ । आज कारोवार भएका कुल उपसमुहरु मध्ये सबै उपसमुहरुको सुचक ओरालो लागेका छन् ।