Techie IT
×
गृहपृष्ठवित्त पूँजी बजारआशा लघुवित्तद्वारा महोत्तरीकोे एकडारामा सीपमूलक तालिम

आशा लघुवित्तद्वारा महोत्तरीकोे एकडारामा सीपमूलक तालिम


काठमाडौं, माघ १९
आशा लघुवित्त वित्तीय संस्थाले सीपमुलक तालिम सञ्चालन गरेको छ । संस्थाले यही माघ १३, १४ र १५ गते तीन दिने सीपमूलक तालिम सञ्चालन गरेको हो । संस्थाले शाखा कार्यालय एकडारा महोत्तरीमा आबद्ध सदस्यहरु मध्ये ७६ जना महिला सदस्यहरुलाई निःशुल्करुपमा लुगा धुने सर्फ तथा सेनेटरी प्याड बनाउने तालिम प्रदान गरेको हो । तालिम कार्यक्रमलाई उद्घाटन गर्दै शाखा प्रबन्धक संजय कुमार सिंहले यस्ता कार्यक्रमले महिलाहरु लाई उद्यमशिल बन्न थप सहयोग पुग्ने र यस कार्यक्रमपश्चात् सदस्यहरुको व्यवसायमा वृद्धि भई यस क्षेत्रका विपन्न महिलाहरुको आर्थिक क्रियाकलापमा वृद्धि हुनुका साथै आत्मनिर्भरतातर्फ उन्मुख हुन सहयोग पुग्ने विश्वास व्यक्त गरेका हुन् ।

वित्तीय संस्थामा कार्यरत कल्याणी खरेलले प्रशिक्षण दिएको उक्त तालिमबाट सहभागीहरुले कम लागतमा लुगा धुने सर्फ तथा सेनेटरी प्याड बनाउने तरिका, बजारीकरण लगायतका सम्बन्धमा जानकारी हासिल गरेका थिए । हालै यस वित्तीय संस्थाले विभिन्न शाखा कार्यालयमार्फत झण्डै २,४२४ जना विपन्न महिलाहरुलाई यस प्रकारका सीपमूलक तालिमहरु प्रदान गरिसकेको छ । वित्तीय संस्थाका प्रमुख कार्यकारी अधिकृत बद्री प्रसाद दुलालले यस्ता सीपमूलक तालिमहरु सम्पूर्ण शाखा कार्यालयहरुबाट संचालन गरी सदस्यहरुको सीप अभिवृद्धि गरी आत्मनिर्भरतातर्फ उन्मुख गराउन वित्तीय संस्था क्रियाशील रहने विचार व्यक्त गरे ।

नेपाल राष्ट्र बैंकबाट ‘घ’ वर्गको राष्ट्रियस्तरको वित्तीय संस्थाका रुपमा स्वीकृतिप्राप्त आशा लघुवित्त वित्तीय संस्थाले ‘‘बिपन्न समुदायका निम्ति आशा ‘भन्ने नारासाथ ककनी – ६ नुवाकोटमा केन्द्रीय कार्यालय स्थापना गरी २०७३ भाद्र १५ गतेबाट कारोबार सुरु गरेको हो । हालसम्म वित्तीय संस्थाले २९ वटा जिल्लाहरुका ५५ शाखा कार्यालयहरु मार्फत करीब ५२ हजार भन्दा बढी सदस्यहरुलाई वित्तीय सेवा दिँदै आएको छ । संस्थाको हालसम्म करीब दुई अर्ब २३ करोड कर्जा लगानीमा रहेको तथा सदस्यहरुबाट ६५ करोड भन्दा बढी निक्षेप संकलन गरेको छ ।


क्याटेगोरी : वित्त पूँजी बजार

तपाईको प्रतिक्रिया