कामना सेवाकोे शाखा होराइजन चोकमा

काठमाडौं, माघ २२
कामना सेवा विकास बैंक लिमिटेडले होराइजन चोकमा शाखा विस्तार गरेको छ । बैंकले आफ्नो सेवा विस्तार गर्ने क्रममा प्रदेश नं. ५ अन्तर्गत बुटवल उपनगरपालिका वडा नं. ११, रूपन्देही जिल्लास्थित होराइजन चोकमा मंगलबार एक सय १८ औ शाखा कार्यालय स्थापना गरी उद्घाटन गरेको हो । होराइजन चोक शाखाको उद्घाटन प्रदेश नं ५ का उद्योग, पर्यटन, वन तथा वातावरण मन्त्री लिला गिरी र बैंकका सञ्चालक भिमप्रसाद तुलाचनले संयुक्तरुपमा गरेका हुुन् ।

बैंकले देशका विभिन्न भागहरूमा यी शाखासहित एक सय १८ वटा शाखा कार्यालयहरू तथा ६२ वटा एटीएममार्फत आफ्ना ग्राहकहरूलाई सेवा प्रदान गर्नेभएको छ । साथै बैंकले एबीबीएस, इन्टरनेट बैंकिङ, मोबाइल बैंकिङलगायतका माध्यमबाट समेत सम्पूर्ण बैंकिङ सेवाहरू उपलब्ध गराउँदै आएको तथा समयसापेक्षरूपमा आफ्ना सेवाहरू थप गर्दै जाने बैंकको योजना रहेको छ ।