Techie IT
×
गृहपृष्ठवित्त पूँजी बजारसेञ्चुरी बैंकद्वारा केदारेश्वर धामलाई सहयोग

सेञ्चुरी बैंकद्वारा केदारेश्वर धामलाई सहयोग


काठमाडौं, माघ २२
सेञ्चुरी कमर्सियल बैंकले मन्दिरलाई पानी ट्याङ्की सहयोग गरेको छ । बैंकको बाँसगढी शाखाले बैंकको संस्थागत सामाजिक उत्तरदायित्वअन्तर्गत केदारेश्वर धामलाई धाममा भ्रमणको लागि आउने भक्तजनको लागि सफापानीे उपलब्ध गराउनको निम्ति एक थान एक हजार लिटरको पानी ट्यांकी सहयोग गरेको हो । साथै बैंकले धामको नियमित सरसफाइको लागि उक्त धाममा आउने भक्तजनबाट सहयोगस्वरूप २० रूपैयाँ दरका पाँच हजार थानको टिकट पनि हस्तान्तरण गरेको छ ।

पानी ट्यांकी र टिकट बैंकका बाँसगढी शाखाका शाखा प्रबन्धक प्रदीप खरेलले केदारेश्वर धामका सञ्चालक समितिका अध्यक्ष कृष्णप्रसाद बास्तोलालाई हस्तान्तरण गरेका हुुन् । केदारेश्वर धाम मध्यपश्चिम विकास क्षेत्रको बर्दिया जिल्ला बाँसगढीमा रहेको र यो मध्यपश्चिम विकास क्षेत्रकै ठूलो शिबलिङ हुनुका साथै नेपाल सरकारको सय पर्यटकीय गन्तव्यमा पर्न सफल धाम भएको बैंकले जानकारी दिएको छ । बैंकले आफ्नो संस्थागत सामाजिक उत्तरदायित्वअन्तर्गत शिक्षा, स्वास्थ, वातावरण तथा अन्य क्षेत्रमा थुप्रै कार्यक्रमहरू गर्दै आएको छ ।


क्याटेगोरी : वित्त पूँजी बजार

तपाईको प्रतिक्रिया