नेपाल क्लियरिङ हाउसको १०औँ वार्षिक साधारणसभा

काठमाडौँ । नेपाल क्लियरिङ हाउस लिमिटेडले १० औँ वार्षिक साधारणसभा सम्पन्न गरेको छ । सभाले कम्पनीको हाल कायम रहेको चुक्ता पुँजीको ३८ प्रतिशतको अनुपातमा बोनस सेयर वितरण गर्ने प्रस्ताव पारित गरेको छ । बोनस सेयर वितरणपश्चात् कम्पनीको चुक्ता पुुँजी ५६ करोड ७६ लाख रुपैयाँ पुुग्नेछ । यसैगरी कम्पनीले बोनस सेयरको कर प्रयोजनका लागि दुई प्रतिशत नगद लाभांश दिने प्रस्ताव पनि पारित गरेको छ ।

कम्पनीले सोही वार्षिक साधारणसभामार्फत दुई जना सञ्चालकहरू निर्विरोधरूपमा चयन गरेको छ । जसअनुसार विकास बैंकहरूको प्रतिनिधिको रूपमा मुक्तिनाथ विकास बैंकका नायब प्रमुख कार्यकारी अधिकृत तिल बहादुर गुरुङ र फाइनान्स कम्पनीहरूको प्रतिनिधिको रूपमा रिलायन्स फाइनान्सका नायब प्रमुख कार्यकारी अधिकृत समाजप्रकाश श्रेष्ठ निर्विरोधरूपमा सञ्चालकमा चयन भएका छन् ।