आँधिखोला लघुवित्तको पाँचौँ साधारण सभा सम्पन्न, अध्यक्षमा पुनः केसी चयन

स्याङ्जा । आँधिखोला लघुवित्त वित्तीय संस्थाको पाँचौँ वार्षिक साधारणसभा शुक्रबार वालिङ स्याङजामा सम्पन भएको छ । सभामा सञ्चालक समितिको तर्फवाट अध्यक्ष नरेश केसीद्वारा प्रस्तुत आर्थिक वर्ष २०७७–७८ को वार्षिक प्रतिवेदनलाई छलफल गरी पारित गरियो ।

सभाले लेखा परिक्षकको प्रतिवेदनसहित आर्थिक वर्ष २०७७–७८ को वासलत, नाफा नोक्सानको हिसाब तथा सोही अवधिको नगद प्रवाह विवरण र सोसँग सम्वन्धित अनुसूचीहरुउपर छलफल गरी पारित गरिएको प्रमुख कार्यकारी अधिकृत डोलराज के.सीले बताए । सभाले राष्ट्र बैंकको स्वीकृतिबमोजिम २० प्रतिशत बोनस सेयर स्वीकृत गरेको बताइएको छ ।

सभावाट संस्थापक समूहको प्रतिनिधित्व गर्दै नरेश के.सी सहित श्यामविक्रम खाँड र सावित्रा दवाडी पौडेल निर्वाचित भएको कम्पनी सचिव बाबुराम कुँवरले बताएका छन् । सभापछिको बैठकले पुनः नरेश के.सीलाई अध्यक्षमा चयन गरेको जनाइएको छ । साधारणसभाको उद्घाटन सञ्चालक समितिका अध्यक्ष नरेश के सीले गरेका थिए । स्वागतमन्तव्य सञ्चालक दिपेन थापाले गरेका थिए भने धन्यवाद ज्ञापन सञ्चालक केहर सिंह के.सीले गरेका थिए । कार्यक्रमको संचालन कम्पनी सचिव बाबुराम कुँवरले गरेका थिए ।

संस्थाले हाल ११ जिल्लामा १९ कार्यालयमार्फत २ प्रदेशमा सेवा सञ्चालन गर्दै आएको र हालै वाग्लुङमा केन्द्रिय कार्यालय रहेको धौलागिरि लघुवित्त वित्तीय संस्थासँग गरेको मर्जर प्रक्रिया तोडिएको प्रमुख कार्यकारी अधिकृत डोलराज केसीले बताए ।