इन्फिनिटी लघुवित्तकोे पाँचौँ वार्षिक स्थापना दिवस
काठमाडौं । दुर्गम तथा ग्रामिण क्षेत्रका पिछडिएका वर्गलाई सहज र दिगो वित्तीय सेवा प्रदान गर्ने उद्देश्यले नवलपरासी जिल्ला (ब.सु.पू.)को गैँडाकोट नगरपालिका वडा नं २ मा केन्द्रीय कार्यालय रहेको इन्फिनिटी लघुवित्त वित्तीय संस्थाले आफ्नो पाँचौँ वार्षिक स्थापना दिवस मनाएको छ । संस्थाका अनुसार यही माघ सात गते एक कार्यक्रम गरी स्थापना दिवस मनाइएको हो ।
विसं २०७३ असार ३० गते कम्पनी रजिष्ट्रारको कार्यालयमा दर्ता भई नेपाल राष्ट्र बैंकबाट २०७३/०९/१७ गते वित्तीय कारोबार गर्ने इजाजतपत्र प्राप्त गरी विधिवत्रूपमा २०७३/१०/०७ गतेदेखि संस्थाले कारोबार शुभारम्भ गरेको थियो । नेपाल राष्ट्र बैंकबाट ‘घ’ वर्गको इजाजतपत्रप्राप्त गरी कारोबार गरेको वित्तीय संस्थाको चुक्ता पुँजी ४१ करोड ४५ लाख १३ हजार दुई सय ८४ रुपैयाँ रहेको छ । संस्थाले देशभरि नै लघुवित्त सेवा विस्तार गर्ने अठोट लिएअनुसार कार्यक्रमलाई विस्तार गर्न, लघुवित्त वित्तीय संस्थाहरूमा दोहोरोपनामा कमी ल्याउन, संस्थालाई अझ सक्षम तथा दिगो बनाउन नेपाल एग्रो लघुवित्त वित्तीय संस्था लिमिटेडलाई प्राप्ति गरी २०७८ भाद्र ४ गतेदेखि एकीकृत कारोबार गरेको संस्थाको पहुँच नेपालका सातै प्रदेशका ४१ जिल्लामा रहेको छ ।
पाँचौँ वार्षिक उत्सवको पूर्वसन्ध्यामा गैँडाकोट नगरपालिका वडा नं १ मा रहेको नवजीवन अपाङ्ग बालआश्रममा रहेका अपाङ्ग बालबालिकाहरूका लागि संस्थाको तर्फबाट सहयोग सामग्री वितरण वित्तीय संस्थाका प्रमुख कार्यकारी अधिकृत प्रवीण कुमार लामा तथा गैँडाकोट नगरपालिका वडा नं २ का वडा अध्यक्ष ध्रुवराम पौडेलले संयुक्तरूपमा गरेको संस्थाले जानकारी दिएको छ । संस्थाले हालसम्म विपन्न वर्गका मानिसहरूलाई सहजरूपमा डिजिटल लघु बैंकिङ सुविधा उपलब्ध गराउँदै आएको छ । हालसम्म संस्थाले ८० हजार चार सय १२ सदस्यहरूलाई विभिन्न उद्देश्यमा प्रदान गरेको बाँकी कर्जा चार अर्ब सात करोड ३२ लाख रहेको छ भने ग्राहक सदस्यहरूको बचत रकम एक अर्ब १८ करोड ३१ लाख रुपैयाँ रहेको छ ।
क्याटेगोरी : बैंक बित्त बजार
ताजा अपडेट
- कतारका अमिरको आश्वासन: नेपाली श्रमिकलाई ‘राम्रो सुविधा’ हुने क्षेत्रमा रोजगारी
- तराईका केही स्थानमा हुरीबतासको चेतावनी, बाँकी भागमा मौसम सफा रहने
- चेम्बर सल्लाहकार परिषद् अध्यक्षमा श्रेष्ठ
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया