गुडविल फाइनान्सले सात करोड ९१ लाख कमायो

काठमाडौं । गुडविल फाइनान्सले चालू आर्थिक वर्षको दोस्रो त्रैमासिक अवधिमा सात करोड ९१ लाख ९१ हजार तीन सय ७१ रुपैयाँ खुद मुनाफा आर्जन गरेको छ । गत आवको सोही अवधिमा भने फाइनान्सको यस्तो नाफा पाँच करोड ५४ लाख ९१ हजार तीन सय ६२ रुपैयाँ रहेको थियो ।

हाल चुक्ता पुँजी ९४ करोड ६१ लाख १५ हजार दुई सय रुपैयाँ रहेको फाइनान्सले चालू आवको दोस्रो त्रैमासमा १० अर्ब ३८ करोड ५८ लाख ११ हजार दुई सय २८ रुपैयाँ निक्षेप संकलन गरी आठ अर्ब सात करोड ५७ लाख छ सय ८३ रुपैयाँ कर्जा प्रवाह गरेको छ । सो अवधिमा १९ करोड ५५ लाख ४४ हजार छ सय ७१ रुपैयाँ खुद ब्याज आम्दानी गरेको फाइनान्समा तीन दशमलव ७१ प्रतिशत कर्जा निष्क्रिय रहेको छ । सो अवधिमा वितरणयोग्य नाफा ८५ लाख २३ हजार सात सय ३९ रुपैयाँ रहेको फाइनान्सको स्प्रेड दर भने तीन दशमलव ८९ प्रतिशत रहेको छ ।

गत आवको सोही अवधिमा भने फाइनान्सले १० अर्ब आठ करोड नौ लाख ६२ हजार दुई सय ९८ रुपैयाँ निक्षेप संकलन गरी सात अर्ब ४३ करोड २६ लाख पाँच हजार दुई सय ७२ रुपैयाँ कर्जा प्रवाह गरेको थियो । उक्त अवधिमा आठ करोड २० लाख ४२ हजार चार सय ४१ रुपैयाँ खुद ब्याज आम्दानी गरेको फाइनान्समा एक दशमलव ३८ प्रतिशत कर्जा निष्क्रिय रहेको थियो भने स्प्रेड दर चार दशमलव ९९ प्रतिशत रहेको थियो ।