गुह्येश्वरी मर्चेन्ट फाइनान्सको नाफा दुई करोड ८६ लाख ७० हजार

काठमाडौं । गुह्येश्वरी मर्चेन्ट बैंकिङ एण्ड फाइनान्स कम्पनीले चालू आर्थिक वर्षको दोस्रो त्रैमासिक अवधिमा दुई करोड ८६ लाख ७० हजार रुपैयाँ खुद मुनाफा आर्जन गरेको छ । गत आवको सोही अवधिमा भने फाइनान्सको यस्तो नाफा तीन करोड ४७ लाख ४० हजार रुपैयाँ रहेको थियो ।

हाल चुक्ता पुँजी ८६ करोड ४० लाख रुपैयाँ रहेको फाइनान्सले चालू आवको दोस्रो त्रैमासिक अवधिमा छ अर्ब ३८ करोड २५ लाख ५२ हजार रुपैयाँ निक्षेप संकलन गरी पाँच अर्ब २८ करोड ७१ लाख लाख ८१ हजार रुपैयाँ कर्जा प्रवाह गरेको छ । सो अवधिमा १० करोड ९० लाख २२ हजार रुपैयाँ खुद ब्याज आम्दानी गरेको फाइनान्समा शून्य दशमलव ८९ प्रतिशत कर्जा निष्क्रिय छ । वितरणयोग्य नाफा ११ करोड ३७ लाख ६० हजार रुपैयाँ रहेको फाइनान्सको स्प्रेड दर भने चार दशमलव नौ प्रतिशत रहेको छ ।

गत आवको सोही अवधिमा भने फाइनान्सले छ अर्ब ४९ करोड ६५ लाख ७८ हजार रुपैयाँ निक्षेप संकलन गरी चार अर्ब ५२ करोड २३ लाख ४५ हजार रुपैयाँ कर्जा प्रवाह गरेको थियो । उक्त अवधिमा नौ करोड २४ लाख ७१ हजार रुपैयाँ खुद ब्याज आम्दानी गरेको फाइनान्समा एक दशमलव ७४ प्रतिशत कर्जा निष्क्रिय थियो भने स्प्रेड दर चार दशमलव ९८ प्रतिशत रहेको थियो ।