Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारनेपाल इन्भेष्टमेन्ट बैंकको ‘एनआईबीएल गज्जव छ’ मुद्दती खाता आर्थिक संवाददाता

नेपाल इन्भेष्टमेन्ट बैंकको ‘एनआईबीएल गज्जव छ’ मुद्दती खाता आर्थिक संवाददाता


काठमाडौं । नेपाल इन्भेष्टमेन्ट बैंकले ‘एनआईबीएल गञ्जव छ’ मुद्दती खाता सञ्चालनमा ल्याएको छ । बैंकले आफ्नो स्थापनाको ३६औँ वार्षिकोत्सवको अवसरमा एनआईबीएल गज्जब छ मुद्दती खाता सञ्चालनमा ल्याएको जानकारी दिएको छ । भविष्यमा आफ्ना ग्राहकवर्गहरूलाई आइपर्ने आर्थिक व्ययभार, औषधोेपचार, शैक्षिक खर्चका साथै अन्य सामाजिक दायित्व सहजतापूर्वक परिपूर्ति गर्नका लागि यो योजना सहयोगी सिद्ध हुनेमा बैंक विश्वस्त रहेको छ ।

बैंकका अनुसार यो निक्षेपको रकम २० वर्षमा छ गुणा हुनेछ भने यो मुद्दती खाता जुनसुकै उमेर समूहका व्यक्तिले खोल्न सक्नेछन् । बैंकका अनुसार यो मुद्दती खाता न्यूनतम १० हजार रुपैयाँमा खोल्न सकिनेछ । यो खातामा निःशुल्क क्रेडिट कार्ड प्राप्त गर्न सकिने तथा सावा तथा पाकेको ब्याजको ९० प्रतिशतसम्म कर्जा प्राप्त गर्न सकिने बैंकले जानकारी दिएको छ ।

बैंकले सातै प्रदेशमा छरिएका ८८ शाखाहरू, ३१ विस्तारित काउन्टर, ५८ शाखारहित बैंकिङ केन्द्र तथा एक सय ३१ एटीएममार्फत गुणस्तरीय बैंकिङ सेवा प्रदान गर्दै आएको छ । पाँच पटकसम्म फाइनान्सियल टाइम्सबाट ‘बैंक अफ द इयर’ अवार्ड पाइसकेको यस बैंक अन्तर्राष्ट्रिय प्रकाशन– युरोनोमीबाट अनुकरणीय सेवा र व्यवसायका लागि ‘बेस्ट बैंक २०७५, २०७८, युरोनोमी अवार्डबाट समेत पुरस्कृत भइसकेको छ । यसबाहेक, इक्रा नेपाल (अन्तर्राष्ट्रिय क्रेडिट रेटिङ एजेन्सी–नेपाल)ले बैंकलाई ‘ए’ वर्गको क्रेडिट रेटिङ दिएको छ ।


क्याटेगोरी : बैंक बित्त बजार

तपाईको प्रतिक्रिया