Techie IT
×
गृहपृष्ठवित्त पूँजी बजारनयाँ सारथीको नाफा चार करोड ६३ लाख

नयाँ सारथीको नाफा चार करोड ६३ लाख


काठमाडौं । नयाँ सारथी लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा चार करोड ६३ लाख १२ हजार चार सय ७० रुपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा पाँच करोड ११ लाख ९८ हजार नौ सय ५० रुपैयाँ रहेको थियो ।

हाल चुक्ता पुँजी २५ करोड ४९ लाख ५४ हजार रुपैयाँ रहेको संस्थाले चालू आर्थिक वर्षको दोस्रो त्रैमासिक अवधिमा ९३ करोड ४४ लाख ७५ हजार रुपैयाँ निक्षेप संकलन गरी चार अर्ब चार करोड ७७ लाख ४३ हजार रुपैयाँ कर्जा प्रवाह गरेको छ । सो अवधिमा १३ करोड २८ लाख पाँच हजार रुपैयाँ खुद ब्याज आम्दानी गरेको संस्थाको प्रोभिजन रकम एक करोड ८६ लाख २६ हजार रुपैयाँ रहेको छ भने निष्क्रिय कर्जाको अनुपात चार दशमलव २५ प्रतिशत रहेको छ ।

गत आवको सोही अवधिमा भने संस्थाले ७६ करोड २१ लाख ८१ हजार रुपैयाँ निक्षेप संकलन गरी तीन अर्ब ३० करोड ३८ लाख २५ हजार रुपैयाँ कर्जा प्रवाह गरेको थियो । उक्त अवधिमा ११ करोड ६८ लाख १९ हजार रुपैयाँ खुद ब्याज आम्दानी गरेको संस्थाको प्रोभिजन रकम चार करोड ४९ लाख २७ हजार रुपैयाँ रहेको थियो भने निष्क्रिय कर्जाको अनुपात दुई दशमलव ८६ प्रतिशत रहेको थियो ।


क्याटेगोरी : वित्त पूँजी बजार

तपाईको प्रतिक्रिया