माछापुच्छ्रे बैंकमा बढुवा

काठमाडौं । माछापुच्छ्रे बैंकले हालै बैंकको नायब प्रमुख कार्यकारी अधिकृत पदमा सर्जुकुमार थापा र विश्वम्भर न्यौपाने तथा उपमहाप्रबन्धक पदमा प्रसिद्धराज अर्याललाई बढुवा गरेको छ । नायब प्रमुख कार्यकारी अधिकृतपदमा बढुवा भएका सर्जुकुमार थापा र विश्वम्भर न्यौपाने दुवै जनाले दुई दशकभन्दा बढीको बैंकिङ अनुभव संगालिसकेका छन् । माछापुच्छ्रे बैंकमै लामो समयसम्म उच्च व्यवस्थापन तहमा रही कुशल नेतृत्व, व्यवस्थापकीय दक्षता भएका थापा बहुबैंकिङ व्यवसाय र न्यौपाने सञ्चालन तथा जोखिम व्यवस्थापनमा अब्बल मानिन्छन् । त्यस्तै नायब महाप्रबन्धक पदमा बढुवा भएका प्रसिद्धराज अर्यालले पनि बैंकिङ क्षेत्रमा करिब दुई दशक जतिको अनुभव संगालेका छन्् र अर्यालसँग क्रेडिट व्यवसाय, ट्रेजरी, ब्रान्च अपरेसन, माइक्रोफाइनान्सलगायतका क्षेत्रमा काम गरेको राम्रो अनुभव रहेको छ ।

बैंकको विस्तारित व्यवसाय, स्तरीय सक्षम व्यवस्थापन, कर्मचारीहरूको आकर्षक पारिश्रमिक, सुविधा, काम गर्ने मैत्रीपूर्ण वातावरणलगायतका मुख्य मापदण्डका तत्वहरूले गर्दा माछापुच्छ्रे बैंक बैंकिङ क्षेत्रमा अब्बल, आकर्षक साथै अनुपालन बैंकको रूपमा समेत स्थापित बैंक मानिन्छ । बैंकले नेपाल राज्यभर उच्चसेवा सुविधाका साथ हाल एक सय ६३ वटा शाखा, छवटा एक्स्टेन्सन काउन्टर, दुई सयभन्दा बढी एटीम र एक सय ५७ शाखारहित बैंकिङ सुविधामार्फत सेवा प्रदान गर्दै आइरहेको छ । बैंकले १५ सयभन्दा बढी कर्मचारीहरूलाई रोजगारी प्रदान गर्दै आएको जानकारी दिएको छ ।