सानिमा बैंकद्वारा काभ्रेको पाँचखालमा पनि शाखा विस्तार

काठमाडौं । सानिमा बैंक लिमिटेडले सोमबारबाट काभ्रेको पाँचखाल, तामाघाटमा शाखा स्थापना गरी बैंकिङ सेवा विस्तार गरेको छ । उक्त शाखा कार्यालयको समुद्घाटन पाँचखाल नगरपालिकाका मेयर महेश खरेलले एक कार्यक्रमका बीच गरेका हुन् ।

समुद्घाटन् समारोहमा पाँचखाल नगरपालिकाका मेयर खरेलले पाँचखालको तामाघाटमा सानिमा बैंकको कार्यालय सञ्चालनमा आएकोमा बैंकलाई बधाई ज्ञापन गर्दै सबल अनि विश्वसनीय बैंकको रूपमा निरन्तर विस्तार हुन र थप सफलताको लागि शुभकामना व्यक्त गरेका छन् ।

त्यसैगरी बैंकका सहायक प्रमुख कार्यकारी अधिकृत सरोज गुरागाईँले बैंकका ग्राहक तथा सरोकारवालाहरूलाई निरन्तर सहयोग तथा संरक्षणका लागि कृतज्ञता व्यक्त गरेका छन् । बैंकको देशका सातै प्रदेशमा एक सय २४ वटा कार्यालय र एक सय चार वटा एटीएम सञ्चालनमा रहेका छन् ।